01.07.2026 | 19:30
Ընդդիմությունը կվերցնի մանդատները, և դա իրենց վախճանը կլինի․ կլեգիտիմացնեն ընտրության արդյունքը․ Սուրեն Պետրոսյան․ ՏԵՍԱՆՅՈՒԹ
24 հազար աշակերտ սարքի խնդիր ունի. Արայիկ Հարությունյանը՝ հեռավար կրթության մասին. ՏԵՍԱՆՅՈՒԹ
Հասարակություն
30.03.2020 | 12:57
Մարտի 30-ին գումարված Կառավարության արտահերթ նիստի ժամանակ ԿԳՄՍ նախարար Արայիկ Հարությունյանը շնորհակալություն հայտնեց ուսուցիչներին՝ նշելով, որ նրանց շնորհիվ այսօր արդյունավետ կերպով իրականացվում է հեռավար կրթությունը՝ ապահովելով մեծ թվով աշակերտների ներգրավվածություն:
«Իհարկե, կա նաև խնդիր՝ ինտերնետ կապի և սարքերի հետ կապված, բայց հիմա հընթացս մենք հանդես ենք գալիս մի նախաձեռնությամբ, որով հավաքագրում ենք համակարգիչներ, խոսել ենք միջազգային դոնոր կազմակերպությունների հետ»,- ասաց նախարարը:
Վարչապետը նրան ընդհատեց՝ առաջարկելով նիստից հետո դռնփակ քննարկել այդ հարցը և լուծում գտնել:
«Շատ ուրախ եմ, որ դրական են արձագանքները: Նախկինում հեռավար կրթության մասին խոսում էինք հեռավոր գյուղերում կրթությունը հասանելի դարձնելու համար, և այս փորձը կօգնի հետագայում նաև այդ նպատակին հասնելու գործում»,- հույս հայտնեց վարչապետը:
Արայիկ Հարությունյանն էլ նշեց, որ արտակարգ դրություն հայտարարելուց 1 օր հետո իրենք հայտարարել են, որ սա համազգային պիլոտային ծրագիր է, որի շնորհիվ նաև փորձելու են բացերը վեր հանել, և այս պահին շուրջ 24.000 աշակերտ ունի համակարգչի խնդիր:
Մանրամասները՝ տեսանյութում:
