18.10.2026 | 16:45
Սպիտակ տունն առաջարկել է ԵՄ-ին ավելացնել ռուսական գազի գնումները, իսկ Ուկրաինային՝ վերսկսել դրա տարանցումը․ NYT
Կորոնավիրուսը 24 երկրում ընտրությունների հետաձգման պատճառ է դարձել
Քաղաքականություն
28.03.2020 | 20:58
COVID-19 կորոնավիրուսի բռնկման պատճառով շատ երկրներ ստիպված են եղել կտրուկ փոփոխություններ կատարել, այդ թվում՝ չեղարկել ընտրությունները: Զանգվածային հավաքների սահմանափակման և ինքնամեկուսացման պահանջով պայմանավորված՝ բազմաթիվ ընտրություններ են հետաձգվել:
Ժողովրդավար ընտրությունների եվրոպական հարթակի անդամ OPORA քաղաքացիական միավորումը ստեղծել է ինֆոգրաֆիկ քարտեզ, որտեղ ներկայացված են 2020-ի մարտին և հաջորդ շաբաթներին նախատեսված, բայց անորոշ ժամանակով հետաձգված ընտրությունները։
Դրանց թվում են Հայաստանի Սահմանադրական բարեփոխումների հանրաքվեն, Ղրղզստանի, Իսպանիայի և Մեծ Բրիտանիայի, Պերուի, Պարագվայի, Մալդիվների, Բրազիլիայի և Կոլումբիայի տեղական ընտրությունները, Ավստրիայի, Ֆրանսիայի, Թունիսի և Արգենտինայի ավագանու ընտրությունները, ԱՄՆ-ի նախնական նախագահական ընտրությունները և մի քանի նահանգներում տեղական ընտրությունները, Մակեդոնիայի, Սերբիայի, Շրի Լանկայի և Իրանի խորհրդարանական ընտրությունները, Չեխիայի և Նիգերիայի սենատորական ընտրություները, Բոլիվիայի ընդհանուր ընտրությունները, ինչպես նաև Ռուսաստանի, Չիլիի և Իտալիայի հանրաքվեները։
Տվյալները վերցված են Ընտրական համակարգերի միջազգային հիմնադրամից, որը վերլուծում է երկրների արձագանքը կորոնավիրուսի համավարակին:
Նելլի Մելքոնյան
