17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Մեծ Բրիտանիայի վարչապետ Բորիս Ջոնսոնի մոտ կորոնավիրուս է հայտնաբերվել. BBC
Քաղաքականություն
27.03.2020 | 16:22
Մեծ Բրիտանիայի վարչապետ Բորիս Ջոնսոնի կորոնավիրուսի թեստը դրական արդյունք է ունեցել։ Այս մասին հայտնում է BBC-ն՝ վկայակոչելով Բորիս Ջոնսոնի Թվիթերի միկրոբլոգը, որտեղ Մեծ Բրիտանիայի վարչապետը տեսաուղերձ է հրապարակել։
Տեսաուղերձին կից Բորիս Ջոնսոնը գրել է. «Վերջին 24 ժամում ինձ մոտ թեթև նախանշաններ են դրսևորվել, ինչպես, օրինակ, հազն է, և բուժանձնակազմի խորհրդով հանձնած կորոնավիրուսի թեստի պատասխանը դրական է եղել։ Ես այժմ տանից եմ աշխատում, ինքնամեկուսացվել եմ. դա ամենաճիշտ բանն է, որ կարող եմ անել, բայց կասկածից վեր է, որ կշարունակեմ կառավարությանն արձագանքել տեսակապի միջոցով, քանի որ մենք պայքարում ենք կորոնավիրուսի դեմ»։
Բորիս Ջոնսոնը շնորհակալություն է հայտնել բոլոր նրանց, ովքեր կորոնավիրուսի դեմ պայքար են մղում։
Գրառման վերջում Մեծ Բրիտանիայի վարչապետն ավելացրել է «Մնացեք տանը, փրկեք կյանքեր» հեշթեգը։
Նելլի Մելքոնյան
