24.04.2026 | 23:32
Կապանում ջրանջատում կլինի
Կորոնավիրուսի վարակակիրների թվով ԱՄՆ-ն գերազանցել է Չինաստանին․ BBC
Քաղաքականություն
27.03.2020 | 12:24
Ջոն Հոփկինսի ամերիկյան համալսարանի տվյալներով՝ նոր կորոնավիրուսի վարակման դեպքերով ԱՄՆ-ն գերազանցել է Չինաստանին (81․782 դեպք) և Իտալիային (80.589 դեպք), գրանցելով կորոնավիրուսի 85․500 հաստատված դեպք. գրում է BBC-ին:
Այդուհանդերձ, մահվան ելքերով ԱՄՆ-ն այս երկու երկրներին զիջում է։ Աղբյուրի փոխանցմամբ՝ ԱՄՆ Փոխնախագահ Մայք Փենսը հայտարարել է, որ կորոնավիրուսային թեստերն այժմ հասանելի են ԱՄՆ բոլոր 50 նահանգներում, և ամբողջ երկրում ավելի քան 552․000 անձ թեստավորում է անցել։
ԱՄՆ նախագահ Դոնալդ Թրամփն էլ կասկածի տակ է դրել Պեկինից ստացվող թվերը ՝ լրագրողներին ասելով. «Դուք չգիտեք, թե Չինաստանում քանի դեպք կա»:
Ավելի ուշ թվիթերի իր միկրոբլոգում Թրամփը գրառում է կատարել՝ նշելով, որ «շատ լավ զրույց» է ունեցել Չինաստանի նախագահի հետ: «Չինաստանը շատ բանի միջով է անցել և այնտեղ վիրուսի ընկալումը զարգացած է։ Մենք սերտորեն համագործակցում ենք»,- գրել է Թրամփը՝ հավելելով, որ իր հարգանքն է հղում Չինաստանին։
Նելլի Մելքոնյան
