09.08.2026 | 22:30
Արթուր Ղարիբյանը հաղթական դուբլ է գրանցել «Զենիթի» դեմ խաղում. ՏԵՍԱՆՅՈՒԹ
Պետք է գյուղ-գյուղ գնանք, տեղեկացնենք. չէ մի րոպե՝ հիմա չենք կարող գյուղ-գյուղ գնալ. Նիկոլ Փաշինյան. ՏԵՍԱՆՅՈՒԹ
Տնտեսություն
26.03.2020 | 12:50
Կորոնավիրուսի տնտեսական հետևանքների չեզոքացման նպատակով կառավարությունն աջակցություն կտա գյուղատնտեսության ոլորտին:
«Սրանով մենք զրոյացնում ենք բոլոր այն տոկոսագումարները, որոնք առ այսօր գյուղոլորտում առկա տարբեր ծրագրերով սահմանված էին: Օրինակ՝ ունեինք լիզինգի ֆինանսավորման աջակցության գործող գործիք, որտեղ մինչև տոկոսները սուբսիդավորում էինք 2-4 տոկոսով: Մենք հիմա այդ տոկոսները զրոյացնում ենք: Մեկ այլ ծրագրով, որ կառավարությունը սուբսիդավորում էր 12 տոկոսից 7 տոկոսը, և գյուղացիական տնտեսությունները վճարում էին 5 տոկոս, հիմա դա ևս զրոյացնում ենք:
Այս գործիքակազմում կա մի կարևոր նորություն, դա միկրովարկերի սուբսիդավորումն է: Եթե բանկերը կսուբսիդավորեն միկրովարկեր՝ մինչև մեկ մլն դրամ, 13 տոկոս տոկոսագումարով, 2 տարի ժամկետով, մենք կսուբիսդավորենք բոլոր տոկոսագումարները: Այսինքն՝ գյուղացիական տնտեսությունները, անկախ գործունեության ոլորտից, մեկ մլն դրամի չափով վարկավորման դեպքում առանց տոկոսի վարկեր են ունենալու»,- ասաց Էկոնոմիկայի նախարար Տիգրան Խաչատրյանը:
Մանրամասները՝ տեսանյութում:
Նարեկ Կիրակոսյան
