01.07.2026 | 22:57
ԱԺ պատգամավորի երդման տեքստը կփոփոխվի․ օրենքի նախագիծը դրական եզրակացություն է ստացել
Նիկոլ Փաշինյանը՝ միջազգային վարկանիշներում Հայաստանի նոր նվաճումների մասին. ՏԵՍԱՆՅՈՒԹ
Քաղաքականություն
26.03.2020 | 09:44
ՀՀ վարչապետ Նիկոլ Փաշինյանը Ֆեյսբուքյան ուղիղ հեռարձակմամբ ասաց, որ Հայաստանը միջազգային զեկույցներում արձանագրել է զգալի աճ տարբեր ոլորտներում` մասնավորապես ժողովրդավարացման բարձր մակարդակ, տնտեսական ազատության ցուցանիշի բարելավում:
««Varieties of Democracy» նախաձեռնությունը հրապարակել է համաշխարհային ժողովրդավարության 2020 թվականի զեկույցը: Եվ այդ զեկույցում արձանագրվում է , որ չնայած աշխարհում ավտորիտարիզմի լրջագույն աճ է տեղի ունենում, Հայաստանը ժողովրդավարացման բարձր ցուցանիշներ է արձանագրել 2019 թվականին: Զեկույցում կա այսպիսի ձևակերպում` Հայաստանի ժողովրդավարական ակտիվիստները այժմ կարող են քաղել իրենց կողմից իրականացված խաղաղ ցույցերի պտուղները և կարող են տոնել այն փաստը, որ Հայաստանը 2019 թվականից կառավարում է ժողովրդավարական գործընթացով ընտրված կառավարությունը»,-ներկայացրեց Փաշինյանն ու շատ կարևորեց ոչ միայն ընդհանուր տեքստային գնահատականները, այլ կոնկրետությունը, զեկույցում առանձնացված ցուցիչներ:
Ընտրական ժողովրդավարության ցուցիչով Հայաստանը 117-րդ տեղից տեղափոխվել է 35-րդ տեղ` արձանագրվելով 82 կետով աճ: Ազատական կոմպոնենտով Հայաստանը 125-րդ տեղից տեղափոխվել է 61-րդ տեղը` արձանագրելով աճ` 64 կետով: Իրավահավասարության կոմպոնենտ. Հայաստանն այս կետով 63-րդ տեղից տեղափոխվել է 40-րդ կետ` արձանագրելով 23 կետով առաջընթաց: Մասնակցայինության կետով Հայաստանը 105-րդ կետից տեղափոխվել է 52-րդ կետ` արձանագրելով 53 կետի առաջընթաց: Խորհրդակցական կոմպոնենտով Հայաստանը 113-րդ կետից տեղափոխվել է 31-րդ կետ` արձանագրելով 82 կետով առաջընթաց:
Մանրամասները՝ տեսանյութում:
