Տնտեսություն
25.03.2020 | 17:30ՀՀ-ում օրավարձով աշխատող մարդ հասկացություն գոյություն չունի. կա գրանցված աշխատող և կա չգրանցված աշխատող։ Այս մասին ասաց ՀՀ վարչապետ Նիկոլ Փաշինյանը՝ ԱԺ-ում Կառավարության հետ հարցուպատասխանի ժամանակ պատասխանելով օրավարձով աշխատողներին խնդիրների վերաբերյալ «Բարգավաճ Հայաստան» խմբակցության պատգամավոր Միքայել Մելքումյանի հարցին։
«Մենք արդեն 1.5 տարի մարդկանց կոչ ենք անում լինել օրինական դաշտում, գրանցել աշխատատեղերը, գրանցվել իրենց աշխատատեղերում։ Հիմա այս իրավիճակում կզգան իրենց կարգավիճակի առավելությունը։ Մենք այդ մարդկանց օգնելու մեխանիզմներ ենք գտնում»,- նշեց Փաշինյանը:
Նա հավելեց, որ ստվերում աշխատող քաղաքացիները, ովքեր թքած են ունեցել Կառավարության կոչերի վրա, նույնականացման խնդիր ունենալու են:
Մանրամասները՝ տեսանյութում:
