14.05.2026 | 20:14
Կուբայում բողոքի ցույցեր են․ երկիրը բախվում է տասնամյակների ընթացքում ամենածանր բլեքաութին
Կոմունալ վճարների հարցում աջակցությունն էլ պետք է թիրախավորված լինի․ Փաշինյան. ՏԵՍԱՆՅՈՒԹ
Հասարակություն
25.03.2020 | 17:13
Այս ժամանակահատվածում տնտեսական, սոցիալական աջակցության թեման ամենահրատապներից է, բայց ես ուզում եմ ուրվագծել Կառավարության մոտեցումը. այն է՝ այդ աջակցությունը պետք է լինի հասցեական: ԱԺ-ում Կառավարության հետ հարցուպատասխանի ժամանակ այս մասին ասաց ՀՀ վարչապետ Նիկոլ Փաշինյանը՝ պատասխանելով «Լուսավոր Հայաստան» խմբակցության ղեկավար Էդմոն Մարուքյանի՝ արտակարգ դրության պայմաններում հասարակության որոշ խավերի համար կոմունալ վճարումների և բնակարանների վարձավճարների հարցում գործադիրի աջակցության մասին հարցին:
«Մեր բոլոր գործողություններն այն են, որ հասցեականությունը մաքսիմալ թիրախավորված լինի և հասնի ճիշտ հասցեով մարդկանց: Որովհետև, այնուամենայնիվ, այնտեղ, որտեղ մենք պետք է աջակցություն ցուցաբերենք, մենք դա անելու ենք հանրային միջոցներով: Այս ճգնաժամն անցնելու է, և մենք պետք է նաև հանրությանը հաշվետվություն տանք, թե այդ միջոցներն ինչպես օգտագործեցինք»,- հավելեց վարչապետը:
Նրա խոսքով՝ նույնը վերաբերում է նաև կոմունալ վճարումներին:
«Այսօր կա կոնտեքստ, որ եկեք կոմունալ վճարները հետաձգենք: Հարց. օրինակ՝ պետական աշխատողների կոմունալ վճարումները ինչո՞ւ պետք է հետաձգենք, եթե նրանք աշխատավարձ են ստանում, կամ, կներեք, ապահովված խավի կոմունալ վճարումները ինչո՞ւ պետք է հետաձգենք»,- ասաց Փաշինյանը:
Մանրամասները՝ տեսանյութում:
