14.12.2024 | 19:57
Ինչ իրավիճակ է ճանապարհներին 19։35-ի դրությամբ
Լոռու և Տավուշի մարզերի 2 համայնքների խոշորացման նախագիծն ընդունվեց առաջին ընթերցմամբ
Քաղաքականություն
25.03.2020 | 11:05
Ազգային ժողովի այսօրվա նիստում առաջին ընթերցմամբ ընդունվեց Կառավարության առաջարկած օրինագիծը, որով նախատեսվում է Լոռու մարզի և Տավուշի մարզի 2 համայնքներ խոշորացնել։
«ՀՀ վարչատարածքային բաժանման մասին» օրենքում փոփոխություններ և լրացումներ կատարելու և «Տեղական ինքնակառավարման մասին» ՀՀ օրենքում լրացում և փոփոխություն կատարելու մասին օրենքների նախագծի փաթեթը ստացավ 85 կողմ, 21 դեմ և 10 ձեռնպահ ձայն:
Նախագծով առաջարկվում է Լոռու մարզի Լերմոնտովը համայնքում ընդգրկել Լերմոնտովո ու Անտառաշեն գյուղերը, իսկ Տավուշի մարզի Իջևան համայնքում ընդգրկել Իջևան քաղաքը, Ազատամուտ, Ակնաղբյուր, Աճարկուտ, Այգեհովիտ, Աչաջուր, Բերքաբեր, Գանձաքար, Գետահովիտ, Դիտավան, Ենոքավան, Լուսահովիտ, Լուսաձոր, Խաշթառակ, Ծաղկավան, Կայան, Կիրանց, Սարիգյուղ, Սևքար, Վազաշեն գյուղերը։
Կառավարությունն առաջարկում է, սույն օրենքի ուժի մեջ մտնելուց հետո, 6 ամսվա ընթացքում Լերմոնտովո և Իջևան համայնքներում նշանակել ընտրություններ։
