22.05.2026 | 17:17
ՖԻՖԱ-ն կարևոր փոփոխություն է քննարկում ֆուտբոլում
Իսպանիայում կարանտինը խախտելու համար 926 ձերբակալված կա․ Իպանիայի Ներքին գործերի նախարար. El Pais
Քաղաքականություն
25.03.2020 | 14:07
Իսպանական իշխանությունները կարանտինը խախտելու համար 926 քաղաքացու են ձերբակալել։ Ընդհանուր թվով՝ տեղի ոստիկանությունը 102 հազար հաղորդում է ստացել։ Այս մասին հայտնում է իսպանական El Pais պարբերականը՝ հղում տալով երկրի ներքին գործերի նախարար Ֆերնանդո Մարլասկային։
Նախարարի տեղեկացմամբ՝ ձերբակալվածներից մեկին 4 ամսվա ազատազրկման են դատապարտել։
«Միայն երեկ՝ մարտի 24-ին, 130 ձերբակալություն և ոստիկանությունում ավելի քան 20 հազար նոր հաղորդում է գրանցվել»,- ասել է Մարլասկան։
Նախարարը նաև նշել է, որ իսպանացի իրավապահների կողմից կորոնովիրուսին առնչվող կիբերհարձակումների մի քանի տասնյակ դեպք է հայտնաբերվել։
Հավելենք, որ Իսպանիայի «Հանրային առողջության մասին» օրենքով՝ մեկուսացման կանոնները խախտելու համար սահմանված է տուգանք՝ 100-600 հազար եվրոյի չափով կամ կալանք՝ 3 ամսից մինչև 1 տարի ժամկետով։ Պաշտոնական տվյալներով՝ Իսպանիայում նոր կորոնավիրուսով վարակվածների թիվը հասել է 35․136-ի, իսկ մահվան ելքերինը՝ 2311-ի։
Նելլի Մելքոնյան
