01.10.2026 | 19:27
Ով է ՀՀ սահմանը հատած ադրբեջանցին․ պաշտոնական Բաքուն մանրամասներ է հայտնում
Ցեմենտի ներկրման պետտուրքի ժամկետը երկարաձգելու նախագիծն ԱԺ-ն ընդունեց առաջին ընթերցմամբ
Տնտեսություն
25.03.2020 | 12:22
Ազգային ժողովն առաջին ընթերցմամբ ընդունեց «Պետական տուրքերի մասին» օրենքում և հարակից օրենքներում փոփոխություններ կատարելու մասին օրինագծերի փաթեթը:
Մեկ տարի առաջ մեկ տոննայի դիմաց 14 հազար դրամ մաքսատուրք էր սահմանվել Իրանից և մի շարք այլ երկրներից ցեմենտի ներկրման համար: Այս սահմանափակումը նախատեսվում էր մինչև այս տարվա ապրիլ ամիսը, սակայն այժմ այս օրինագծով ՀՀ կառավարությունն առաջարկել է երկարաձգել այն՝ մինչև այս տարվա դեկտեմբերի 31-ը։
Էկոնոմիկայի նախարարի տեղակալ Ավագ Ավանեսյանի խոսքով՝ նախաձեռնության ընդունումը պայմանավորված է հանրապետության համար ռազմավարական նշանակություն ունեցող ապրանքի ներքին արտադրությունը խթանելու և ներմուծվող ու տեղում արտադրվող ցեմենտի համար հավասար մրցակցային դաշտի շարունակականությունն ապահովելու անհրաժեշտությամբ։
Օրինագծին կողմ քվեարկեց 88 պատգամավոր, 16-ը՝ դեմ, 1-ը՝ ձեռնպահ:
