14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Կլիմայի փոփոխության դեմ պայքարող հայտնի ակտիվիստ Գրետան ահազանգում է, որ իր մոտ կորոնավիրուս է
Քաղաքականություն
25.03.2020 | 11:57
Շվեդ ակտիվիստ, 17-ամյա Գրետա Թունբերգն ինստագրամյան իր միկրոբլոգում գրառում է կատարել՝ նշելով, որ ինքը, շատ հնարավոր է, կորոնավիրուսով վարակված է եղել և ապաքինվել։
«Վերջին երկու շաբաթվա ընթացքում ես մեկուսացված եմ։ Երբ վերադարձա Կենտրոնական Եվրոպայից, ինքնամեկուսացվեցի։ Մետ 10 օր առաջ սկսեցի որոշ ախտանշաներ նկատել։ Դրանք նույն ախտանշաններն էին, որոնք հայրիկս ուներ։ Նա էլ ինձ հետ Բրյուսել էր այցելել։ Ես հոգնածություն էի զգում, դողում էի, կոկորդում չորություն և հազ ունեի, ինչպես նաև ջերմություն։ Այդ ամենն ավելի ուժեղ էր արտահայտված, քան սովորական հարբուխի դեպքում է»,- գրել է Գրետան։
Նրա խոսքով՝ Շվեդիայում նոր կորոնավիրուսի համար թեստավորում անցնել հնարավոր չէ, քանի դեռ բժշկական օգնության ծայրահեղ կարիք չկա։
«Բոլոր հիվանդ մարդկանց խորհուրդ են տալիս մնալ տանը և ինքնամեկուսանալ։ Դա է պատճառը, որ ես կորոնավիրուսի թեստավորում չեմ անցել, բայց շատ հավանական է, որ ես դրանով վարակված եմ եղել՝ հաշվի առնելով ախտանշաններն ու հանգամանքները։ Այժմ, կարելի է ասել, որ ես առողջացել եմ, բայց սա հարցի ամենալուրջ կողմն է․ շատերը կորոնավիրուսի նախանշանները կարող են ընդհանրապես չնկատել, ինչն այն ավելի վտանգավոր է դարձնում»,- նշել է Գրետան։
17-ամյա ակտվիստը կոչ է արել հետևել առողջապահության ոլորտի փորձագետներին և տեղական իշխանություններին ու տանը մնալ։
Հավելենք, որ ըստ պաշտոնական տվյալների՝ Շվեդիայում նոր կորոնավիրուսով վարակվածների թիվը 2046 է, իսկ մահվան ելքերինը՝ 27։
Նելլի Մելքոնյան
