18.10.2026 | 18:54
Սպասելու ժամանակ չունենք․ Նիկոլ Փաշինյանը՝ COP17-ի բացման արարողությանը․ ՏԵՍԱՆՅՈւԹ
Իսպանիայում 500 մահ՝ 1 օրում, իտալացի պաշտոնյան էլ հայտարարել է 600.000 հնարավոր վարակակրի մասին
Քաղաքականություն
24.03.2020 | 19:18
Ջոն Հոփկինսի ամերիկյան ինստիտուտի տվյալներով ՝ Իտալիայում գրանցվել է կորոնավիրուսով վարակման գրեթե 64 հազար և մահացության 6000 դեպք։ Այնուամենայնիվ, Իտալիայի քաղաքացիական պաշտպանության դեպարտամենտի ղեկավար Անջելո Բորելին հայտարարել է, որ վարակակիրների իրական թիվը կարող է մոտ 600 հազար լինել։ Այս մասին հայտնում է BBC-ի ռուսական ծառայությունը։
Միաժամանակ, Բորելին իտալական La Repubblica պարբերականին հայտնել է, որ, Իտալիայում կորոնավիրուսի նվազման առաջին նշաններն են ի հայտ գալիս․ այսինքն՝ վարակի տարածման տեմպը և մահացությունների թիվը նվազում է։ Ռոբերտ Կոխի անվան գերմանական ինստիտուտի տվյալներով՝ Գերմանիայում Covid-19-ի հաստատված դեպքերի թիվը գերազանցում է 27․4 հազարը։
Նախօրեին վարակակիրների թիվն աճել է 4․8 հազարով։ Իսպանիայում էլ կորոնավիրուսի մահացությունների թիվը կտրուկ աճել է։ Միայն վերջին մեկ օրում երկրում 514 մահ է գրանցվել։ Պաշտոնական տվյալներով՝ Իսպանիայում վարակակիրների թիվը գրեթե 40 հազարի է հասել, այդ թվում ՝ 4․4 հազար բուժաշխատող, իսկ մահվան դեպքերինը՝ 269: Վարակակիրներ գերակշիռ մասը մայրաքաղաք Մադրիդում է։
Նելլի Մելքոնյան
