Քաղաքականություն
24.03.2020 | 17:51ԱԺ այսօրվա նիստում ԼՀԿ պատգամավոր Աննա Կոստանյանը բարձրաձայնեց, որ որոշ կառույցներում օպտիմալացման քողի ներքո տեղի են ունենում կրճատումներ: Նա նշեց, որ բողոքներ է ստացել նաև Մալաթիա-Սեբաստիա վարչական շրջանի կենտրոնական գրադարանի 11 աշխատակիցներից։
«Պետական կառույցների որոշ աշխատակիցներ ու տնօրեններ շեշտում են նախարարությունների, ԱԺ-ի և Երևանի քաղաքապետարանի կողմից հովանավորչություն ունենալու հանգամանքը, դա դարձնելով դրոշակ՝ վստահեցնում են, որ իրենց թիկունքն ուժեղ է, կարող են անել այն, ինչ ուզում են»,- ասաց պատգամավորը։
Ի պատասխան՝ ԱԺ փոխխոսնակ Ալեն Սիմոնյանը նշեց, որ եթե կան մարդիկ, որոնք դեռ մտածում են, որ իրենք անձեռնմխելի են կամ «մեջք ունեն», ուրեմն՝ չեն հասկացել, թե ՀՀ-ում ինչ է տեղի ունեցել:
«Մենք շատ արագ նրանց դա կհասկացնենք: Եթե գիտեք նման դեպքեր, տեղեկացրեք»,- նշեց Սիմոնյանը:
Մանրամասները՝ տեսանյութում:
