17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
«Մարդիկ հավաքվում բիսետկա-փարթիներ են կազմակերպում». Արթուր Խաչատրյան. ՏԵՍԱՆՅՈՒԹ
Քաղաքականություն
24.03.2020 | 16:40
ՀՅԴ Հայաստանի Գերագույն մարմնի ներկայացրած առաջարկությունները վերաբերում են առաջիկա 1.5-2 ամիսներին, այսինքն՝ հայտարարված արտակարգ իրավիճակի ժամանակահատվածին՝ գումարած մեկ ամիս: Ֆեյսբուքյան մամուլի ասուլիսի ժամանակ ասաց ԳՄ անդամ Արթուր Խաչատրյանը:
ՀՅԴ-ի կողմից ՀՀ կառավարությանը փոխանցված՝ արտակարգ դրության պայմաններում իրականացման ենթակա միջոցառումների վերաբերյալ առաջարկությունները, ըստ Խաչատրյանի, պատրաստվել են՝ ելնելով այն տեղեկատվությունից, որն առկա է հանրային տիրույթում, և իրավիճակի փոփոխության դեպքում, բնականաբար, կարող են լրացվել, համալրվել:
Արթուր Խաչատրյանի փոխանցմամբ՝ չի կարելի մի կողմից ասել՝ մնացեք տանը, ինքնամեկուսացեք, մյուս կողմից ասել, իսկ ինչպե՞ս ենք բիզնեսը խթանում:
«Բիզնեսի խթանումը ենթադրում է կյանքի ակտիվացում, նաև բիզնեսի ակտիվացում, հետևաբար՝ մեր այսօրվա խնդիրն է երկիրը բերել, պայմանականորեն ասած, նվազագույն էներգախնայողության ռեժիմի, ապահովել քաղաքացիների և պետության անվտանգությունը, լուծել բնակչության առջև ծառացող կենսական, սոցիալական խնդիրները»,- ասաց նա:
Մանրամասները՝ տեսանյութում:
