04.07.2026 | 13:33
Հայաստանը ձգտում է արհեստական բանականությունը դարձնել տնտեսական աճի շարժիչ ուժ․ Մխիթար Հայրապետյանի հարցազրույցը Apolitical-ին
ՀՅԴ-ն առաջարկում է սահմանափակել մետրոյի աշխատանքը, խայտառակ իրավիճակ է. Իշխան Սաղաթելյան. ՏԵՍԱՆՅՈՒԹ
Քաղաքականություն
24.03.2020 | 16:22
Թեև երկրում հայտարարվեց արտակարգ դրություն, սակայն իրականում կիրառվեցին արտակարգ դրության մի քանի տարրեր: Այս մասին ՀՅԴ Facebook-ի էջի ուղիղ եթերում նշեց ՀՅԴ Հայաստանի ԳՄ ներկայացուցիչ Իշխան Սաղաթելյանը:
«Սկզբնական շրջանում բավական անլուրջ մոտեցում կար և, մեր կարծիքով, իշխանությունները թեև քայլեր ձեռնարկում էին, բայց ամբողջությամբ չեն հասկացել այս հարցի վտանգավորության տարածման և հետևանքների հեռանկարները»,- ասաց նա:
Անդրադառնալով ՀՅԴ Հայաստանի ԳՄ կողմից ներկայացված քաղաքական և մասնագիտական փաստաթղթին՝ Իշխան Սաղաթելյանը նշեց, որ դրա հիմնական մեխն այն է, որ մեր պետության ու պարետատան գործողությունների հիմնական անելիքը պետք է լինի համավարակի տարածման կանխարգելումը. «Իշխանությունները հաճախ գնում են իրադարձությունների հետևից՝ հետ մնալով մեկ քայլ առաջ անելու և դեպքերը կանխելու իմաստով»:
Նա թվարկեց իրենց պատրաստած գործողությունների քայլերը. «Անհրաժեշտ է հենց այսօր դադարեցնել բոլոր տեսակի ձեռնարկությունների և կազմակերպությունների գործունեությունը՝ բացառությամբ կենսապահովման օբյեկտների: Սահմանափակել բոլոր տեսակի ուղևորատար տրանսպորտային ընկերությունների գործունեությունը՝ այդ թվում մետրոյի և տաքսիների: Սահմանել որոշակի ուղերթներ, որոնք կիրականացվեն որոշակի ժամերի՝ խիստ հսկողության ներքո: Գիտեք, թե այսօր ինչ խայտառակ իրավիճակ է և անվտանգության որևէ նորմ չի պահպանվում նաև հանրային տրանսպորտում»:
Մանրամասները՝ տեսանյութում:
