06.03.2026 | 00:13
Արարատ Միրզոյանը Ջեյհուն Բայրամովի հետ հեռախոսազրույց է ունեցել
Աստված չանի, այդ օրը ընկնեմ, Ձեր հույսին մնամ․ Մխիթար Հայրապետյանը՝ Մարուքյանին. ՏԵՍԱՆՅՈՒԹ
Քաղաքականություն
24.03.2020 | 11:14
Ազգային ժողովի աշխատանքները չպիտի խաթարվեն, հանրությունը տանը նստած՝ հետևում է։ Այս մասին հայտարարեց «Իմ քայլը» խմբակցության պատգամավոր Մխիթար Հայրապետյանը՝ արձագանքելով «Լուսավոր Հայաստան» խմբակցության ղեկավար Էդմոն Մարուքյանի՝ նիստ չանցկացնելու առաջարկին։
«Ես հանրությանը կոչ եմ անում տվյալ պարագայում չհետևել մեզ՝ թե՛ տարածություն պահելու առումով, թե՛ փակ տարածքում գտնվելու»,- մասնավորապես նշեց Հայրապետյանը։
Օրակարգի հաստատումից հետո Էդմոն Մարուքյանը նշեց. «Ես այս առաջարկը չէի անում, որ դա քաղաքականացվի և ինքնահաստատման պրոցեսի վերածվի։ Վարչապետը երեկ հայտարարությամբ է հանդես եկել, և իմ առաջարկը բխում էր այդ հայտարարությունից հետո երկրում խստացնող ռեժիմի իրավիճակից»։
Մխիթար Հայրապետյանի արձագանքը չուշացավ. «Պարո՛ն Մարուքյան, եղբայր, տեսե՛ք, խնդիրը հետևյալն է. երեկ մեր խորհրդի նիստում քննարկվել է օրակարգը և հաջորդականությունը: Բանն այն է, որ եթե քաղաքական պայմանավորվածության մասին է, եղբայր, կարող էինք ոչ թե ամբիոնից գալ և ներկայացնել, այլ երեկ խմբակցությունների ղեկավարներին հրավիրել, խոսել այդ մասին, և ոչ թե այս պահին, երբ երեկ կողմ եք քվեարկել և ոչ մի բառ չեք ասել… ոչ թե գալ, ինձ ասել, որ ես կարող է՝ ինքնահաստատվում եմ Ձեր հաշվին։ Աստված չանի, որ ես այդ օրն ընկնեմ, որ Ձեր հույսին մնամ»։
Մանրամասները՝ տեսանյութում:
