26.09.2026 | 20:38
Քաղաքացին ընկել է ջրհորը. նա հոսպիտալացվել է
Աբխազիայի նախագահական ընտրություններում հաղթել է ընդդիմության առաջնորդ Ասլան Բժանիան
Քաղաքականություն
23.03.2020 | 14:54
Աբխազիայում մարտի 22-ին անցկացված կրկնակի նախագահական ընտրություններում հաղթել է ընդդիմության թեկնածու Ասլան Բժանիան: Նա 56.5% ձայն է հավաքել: ՏԱՍՍ-ի փոխանցմամբ՝ այս մասին հայտնել է Աբխազիայի ԿԸՀ ղեկավար Թամազ Գոգիան:
«Աբխազիայի Հանրապետության ընտրված նախագահ համարել Ասլան Բժանիային, որը հավաքել է 56.5% կամ 53 հազար 741 ձայն»,- հայտարարել է Գոգիան:
Թեկնածուներից Ադգուր Արձինբան հավաքել է 35.42% ձայն, Լեոնիդ Ձաշբան՝ 2.22%: Ընտրություններին մասնակցության ցուցանիշը կազմել է 71.56%:
ԿԸՀ ղեկավարի խոսքով՝ ընտրական հանձնաժողովը չի արձանագրել այնպիսի խախտումներ, որոնք կարող էին ազդել քվեարկության ընթացքի և արդյունքի վրա:
«Որևէ անլուծելի վեճ, պաշտոնական հայտարարություն կամ բողոք չի ստացվել»,- ասել է Գոգիան:
Նա նաև հաղորդել է, որ նորընտիր նախագահի երդմնակալության արարողությունը տեղի կունենա ընտրությունների վերջնական արդյունքները հայտարարելուց հետո 30 օրվա ընթացքում: Իսկ վերջնական արդյունքները կհայտարարվեն մարտի 24-ին, նույն օրն էլ կկայանա Բժանիայի մամուլի ասուլիսը:
Մինչ, Ասլան Բժանիան արդեն հանդես է եկել Վրաստանին ուղղված հայտարարությամբ՝ կոչ անելով ճանաչել Աբխազիայի Հանրապետության անկախությունը: Նա հավելել է, որ 1992-93 թվականների պատերազմից հետո ստեղծվել է նոր իրողություն, որն անհնար է անտեսել:
