08.11.2024 | 23:00
Հրդեհ Ծաղկաբեր գյուղում
Աբխազիայի նախագահական ընտրությունները, մասնակցության ցուցանիշով, կայացած են. ԿԸՀ
Քաղաքականություն
22.03.2020 | 21:04
Աբխազիայի Կենտրոնական ընտրական հանձնաժողովը հայտնել է, որ մասնակցության ցուցանիշով, կայացած են: Այս մասին գրում է «Սպուտնիկ Աբխազիա»-ն:
Ժամը 18:00-ի դրությամբ՝ քվեարկությանը մասնակցել է ընտրելու իրավունք ունեցող 131.817 քաղաքացիների 58.85%-ը: Ամենամեծ ակտիվությունը գրանցվել է Գալիի շրջանում, ամենացածրը՝ Գագրայում:
Աբխազիայի գլխավոր դատախազի առաջին տեղակալ Դամիր Կվիցինիայի փոխանցմամբ՝ այս պահի դրությամբ, նախագահական ընտրություններում խախտումներ չեն արձանագրվել:
Ավելի վաղ, Վրաստանի ԱԳՆ ներկայացուցիչները հայտարարել էին, որ Աբխազիայի նախագահական ընտրություններն անօրինական են և հակասում են միջազգային իրավունքի նորմերին ու սկզբունքներին: Աբխազիայի ԱԳՆ-ն իր հերթին Վրաստանին կոչ է արել չմիջամտել հանրապետության ներքին գործերին:
