Քաղաքականություն
22.03.2020 | 19:29
ՌԴ վեց շրջաններում մեկ օրվա ընթացքում կորոնավիրուսով վարակման 61 նոր դեպք է արձանագրվել: Այս մասին գրում է ՌԻԱ Նովոստին՝ վկայակոչելով COVID-19-ի դեմ պայքարի օպերատիվ շտաբը:
Աղբյուրի փոխանցմամբ՝ 54 դեպք բացահայտվել է Մոսկվայում, 2-ական դեպք՝ Ուդմուրտիայի Հանրապետությունում և Կիրովի մարզում, 1-ական դեպք էլ՝ Նովգորոդի և Արխանգելսկի մարզերում:
Բոլոր վարակվածները վերջին երկու շաբաթվա ընթացքում վերադարձել են համաճարակային անբարենպաստ իրավիճակ ունեցող երկրներից՝ Շվեյցարիայից, Լատվիայից, Նիդերլանդներից, Իսպանիայից և Ֆրանսիայից: Հիվանդները հոսպիտալացված են:
Ընդհանուր առմամբ, Ռուսաստանում վարակվածների թիվը 367 է, 16 հիվանդ առողջացել է, ավելի քան 52 հազարը հսկողության տակ է:
