Քաղաքականություն
22.03.2020 | 18:16
Ամերիկյան Netflix-ը հիմնադրամ է ստեղծել՝ կորոնավիրուսի պատճառով առանց աշխատանքի մնացած աշխատակիցներին օգնելու համար: Նրանց Netflix-ը 100 միլիոն դոլար կտրամադրի: Այս մասին հայտնում է ամերիկյան Fox News-ը՝ վկայակոչելով ընկերության բովանդակային մասի ղեկավար Թեդ Սարադոսին:
«COVID-19-ի ճգնաժամը կործանարար է բազմաթիվ բնագավառների համար, այդ թվում՝ ստեղծագործական համայնքի: Հեռուստատեսության և կինոարտադրության գրեթե բոլոր աշխատանքներն այժմ դադարել են ամբողջ աշխարհում՝ անձնակազմի հարյուր հազարավոր անդամների և դերասանների թողնելով առանց աշխատանքի», – ասել է Սարադոսը:
Նշենք, որ նոր կորոնավիրուսի պատճառով Netflix-ը երկու շաբաթով ԱՄՆ-ում և Կանադայում դադարեցրել էր ֆիլմերի և սերիալների արտադրությունը։
Նելլի Մելքոնյան
