30.04.2026 | 16:34
Իսրայելը ձերբակալել է Գազայի օգնության նավատորմի 18 թուրք ակտիվիստների
Շուշան Փաշինյանը 2 մլն դրամ փոխհատուցում է պահանջում Նարեկ Սամսոնյանից. դատական հայցը վարույթ է ընդունվել
Հասարակություն
22.03.2020 | 13:42
Երևանի ընդհանուր իրավասության դատարանը վարույթ է ընդունել վարչապետ Նիկոլ Փաշինյանի դստեր՝ Շուշան Փաշինյանի երկրորդ հայցադիմումն ընդդեմ Նարեկ Սամսոնյանի։ Այս մասին տեղեկանում ենք datalex․am-ից։
Շուշան Փաշինյանը պահանջում է «Քաղաքացիական գիտակցություն» ՀԿ ղեկավար Նարեկ Սամսոնյանից հերքել վերջինիս ֆեյսբուքյան էջում հրապարակված տեղեկությունները, որը համարում է զրպարտություն, և փոխհատուցել իր պատվին ու արժանապատվության պատճառված վնասը։
Հիշեցնենք, որ Նարեկ Սամսոնյանը ֆեյսբուքյան գրառում էր կատարել՝ նշելով, որ Փաշինյանը դստեր համար ամսական 3 հազար դոլարի սև խավիար է գնում Երևանի ռեստորաններից մեկից։
Հայցադիմումն առաջին անգամ մուտք է գործել դատարան այս տարվա փետրվարի 26-ին, սակայն դատարանն այն վարույթ չէր ընդունել՝ պատճառաբանելով, որ պահպանվել ՀՀ քաղաքացիական դատավարության օրենսգրքի 121-րդ և 122-րդ հոդվածի դրույթները։ Հայցադիմումը կրկին ներկայացվել է դատարան որից հետ այն վարույթ է ընդունվել։
Շուշան Փաշինյանը Նարեկ Սամսոնյանից որպես փոխհատուցում պահանջում է 2 մլն դրամ։ Գործը մակագրվել է դատավոր Զ․ Նախշքարյանին։ Դատական նիստի օրը դեռ հայտնի չէ։
