27.08.2026 | 22:29
Վրաստանի փոխվարչապետը հայտարարել է պաշտոնը թողնելու և քաղաքականությունից հեռանալու մասին
Ռոբերտ Քոչարյանի աջակիցը մեղավոր է ճանաչվել՝ դատապարտվելով 3 տարվա ազատազրկման
Հասարակություն
22.03.2020 | 12:59
Երևանի ընդհանուր իրավասության դատարանը՝ դատավոր Մնացական Մարտիրոսյանի նախագահությամբ, դատարանի բակում տեղի ունեցած վիճաբանության գործով Ռոբերտ Քոչարյանի աջակից Արման Մինասյանին մեղավոր է ճանաչել Քրեական օրենսգրքի 112-րդ հոդվածի 1-ին մասով՝ այն է՝ դիտավորությամբ առողջությանը ծանր վնաս պատճառելը, որը վտանգավոր է կյանքի համար կամ առաջացրել է տեսողության, խոսքի, լսողության կամ որևէ օրգանի կամ օրգանի ֆունկցիայի կորուստ կամ արտահայտվել է դեմքի անջնջելի այլանդակմամբ, ինչպես նաև՝ կյանքի համար վտանգավոր այլ վնաս է պատճառել առողջությանը կամ առաջացրել է դրա քայքայում` զուգորդված ընդհանուր աշխատունակության ոչ պակաս, քան մեկ երրորդի կայուն կորստով կամ հանցավորի համար ակնհայտ մասնագիտական աշխատունակության լրիվ կորստով կամ առաջացրել է հղիության ընդհատում, հոգեկան հիվանդություն, թմրամոլությամբ կամ թունամոլությամբ հիվանդացում։
Մինասյանը դատապարտվել է ազատազրկման` 3 տարի ժամկետով: Այս մասին Factor.am-ը տեղեկացավ Datalex տեղեկատվական համակարգից։
Հիշեցնենք, որ Արման Մինասյանին մեղադրանք էր առաջադրվել առ այն, որ նա 2019 թվականի սեպտեմբերի 12-ին, ժամը 18:00-ի սահմաններում, Երևան քաղաքի Արշակունյաց պողոտայի 24/1 հասցեում գտնվող Երևան քաղաքի ընդհանուր իրավասության դատարանի Շենգավիթի նստավայրի մոտ վիճաբանության է բռնվել Քոչարյանի և մյուսների վերաբերյալ դատավարությանը հետևելու նպատակով հիշյալ վայրում հավաքված այլ քաղաքացիների հետ գտնվող Վարդան Միշայի Խուդավերդյանի հետ, որի ժամանակ մեկ ուրիշին մարմնական վնասվածքներ պատճառելու դիտավորությամբ, ոտքով մի քանի անգամ հարվածներ է հասցրել վերջինիս մարմնի տարբեր մասերի՝ նրա առողջությանը պատճառելով ծանր մարմնական վնաս։
