Քաղաքականություն
20.03.2020 | 22:36Արտակարգ դրության պայմաններում պարետի ցուցումով կսահմանվի մեկուսացման կամ ինքնամեկուսացման ռեժիմը։ Այս մասին այսօր հրավիրված ԱԺ արտահերթ նիստում ասաց արդարադատության փոխնախարար Վահե Դանիելյանը՝ պատասխանելով ԱԺ նախագահի հարցին, թե ի՞նչ տեսք պետք է ունենա այդ պահանջը։
Փոխնախարարը տեղեկացրեց նաև, որ անձի մեկուսացման կամ ինքնամեկուսացման դեպքում ոստիկանությունը, ըստ անհրաժեշտության, պետք է հսկի տվյալ տարածքը։
Հիշեցնենք, որ ԱԺ նիստում քննարկվում էր Քրեական օրենսգրքում և Վարչական իրավախախտումների վերաբերյալ օրենսգրքում փոփոխություններ կատարելու վերաբերյալ նախագիծը։ Ըստ այդմ՝ նախատեսվում է արտակարգ դրության պայմաններում մեկուսացման կամ ինքնամեկուսացման պահանջները չկատարելու, մարդկանց դիտավորությամբ վարակելու դեպքերում վարչական կամ քրեական պատասխանատվություն սահմանել։
Նախագիծն առաջին ընթերցմամբ ընդունվեց ձայների 102 կողմ և 0 դեմ հարաբերակցությամբ։
Մանրամասները՝ տեսանյութում:
