17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Լողորդ Շավարշ Կարապետյանը նշանակվել է Բաշկիրիայի նախագահի խորհրդական
20.03.2020 | 18:01
Հայազգի լողորդ, սպորտի վաստակավոր վարպետ Շավարշ Կարապետյանը Բաշկիրիայի նախագահական ապարատում պաշտոն է ստացել: Այս մասին հայտնում է Ինտերֆաքսը՝ հղում անելով Բաշկիրիայի նախագահի մամուլի ծառայությանը:
Շավարշ Կարապետյանը Բաշկիրիայի նախագահի խորհրդական է նշանակվել հասարակական հիմունքներով: Նրա պարտավորությունների մեջ է մտնելու տարածաշրջանում ֆիզկուլտուրայի և սպորտի զարգացումը:
Աղբյուրի տեղեկացմամբ՝ հայազգի լողորդը մոտ ապագայում պլանավորում է Բաշկիրիա տեղափոխվել:
Հիշեցնենք՝ 1976 թվականի սեպտեմբերի 16-ին Շավարշ Կարապետյանը փրկել էր Երևանյան լիճն ընկած տրոլեյբուսի 20 ուղևորներին, ինչից հետո հիվանդացել թոքերի բորբոքումով: Ծանր հիվանդությունը հանգեցրել էր հաշմանդամության և սպորտային կարերիայի դադարեցման:
Նելլի Մելքոնյան
