Տնտեսություն
20.03.2020 | 13:07Այս օրերին դոլարն արժեքը բարձրացել է, իսկ դրամը՝ արժեզրկվել, սա ինչպե՞ս կազդի Հայաստանի տնտեսության վրա։ Այս հարցերին այսօր մամուլի ասուլիսի ժամանակ պատասխանեց Կենտրոնական բանկի խորհրդի անդամ Արթուր Ստեփանյանը։
«Մենք, հավատարիմ մնալով լողացող փոխարժեքի քաղաքականությանը, ունենք բազմաձև գործիքակազմ, նաև պահուստների գործիքակազմ, երբ անցանկալի զարգացումներ լինեն, մենք ադեկվատ գործողություններ կիրականացնենք շուկայում։ Կարծում եմ՝ ինչպես 2014 թվականի դեկտեմբերին, այնպես էլ հիմա կհաջողվի արտարժութային շուկան պահել շատ հանգիստ վիճակում»,- նշեց ԿԲ ներկայացուցիչը։
Անդրադառնալով ռուբլու արժեզրկմանն ու դրա հնարավոր ռիսկերին՝ նա նշեց, որ ԿԲ-ն հետևում է զարգացումներին:
«Անորոշության մասը շատ մեծ է, որևէ մեկը չի կարողանում հասկանալ՝ ինչ զարգացումներ կլինեն ռուսական արժույթի հետ կապված։ Հնարավոր է երկու կողմի շարժ, բայց բոլոր դեպքերում այդ տատանողականության վերացման մասին այսօր որևէ մեկը չի կարող ասել։ Մենք ևս մշտապես հետևում ենք, և մեր քաղաքականությունը այնպիսին է լինելու, որպեսզի հավասարակշռենք կայունությունը, և հավասարակշռենք մեր տնտեսական ակտիվության պահպանման հետ»,- ասաց Արթուր Ստեփանյանը։
Մանրամասները՝ տեսանյութում:
