20.01.2026 | 18:27
«Կրասնոդարի» մարզիչ․ Չէի ցանկանա, որ Սպերցյանը տեղափոխվեր «Սաութհեմփթոն»
2 ամիս վարկերը չվճարելու դեպքում ի՞նչ է սպասվում․ հարց՝ ԿԲ ներկայացուցչին. ՏԵՍԱՆՅՈՒԹ
Տեսանյութեր
20.03.2020 | 12:44
Քաղաքացիները շարունակում են ահազանգել, որ չեն հասկանում բանկերի քաղաքականությունը, այս 2 ամսվա ընթացքում վարկերը չմարելու դեպքում ի՞նչ է սպասվում: Այսօր հրավիրված ասուլիսում հարց ուղղվեց Կենտրոնական բանկի խորհրդի անդամ Արթուր Ստեփանյանին։
Նա նշեց, որ Բանկերի միությունը և Վարկային կազմակերպությունների միությունը հանդես են եկել հայտարարությամբ, որ անհատական մոտեցում են ցուցաբերելու իրենց հաճախորդներին։
«Կան նաև բանկեր և վարկային կազմակերպություններ, որոնք հայտարարություն տարածեցին, որ որոշակի ժամկետով հնարավորություն են տալիս չվճարել։ Այսինքն՝ մոտեցումները տարբեր են, և յուրաքանչյուր հաճախորդ իր հետ կապված խնդիրները պետք է քննարկի իր բանկի կամ վարկային կազմակերպության հետ։ Եթե քաղաքացին ունի դժվարություններ և կարողանում է երկխոսության ընթացքում հանգամանալից ներկայացնել այդ դժվարությունները, բանկերը և վարկային կազմակերպությունները պատրաստ են վերաձևակերպել պարտավորությունները, որպեսզի վարկային բեռը կտրուկ չավելանա և հաճախորդների վարկային պատմությունը բացասական չդառնա»,- նշեց ԿԲ ներկայացուցիչը։
Մանրամասները՝ տեսանյութում:
