Թրեյդերները նավթի գնի՝ մինչև 5 դոլարի գնանկում են կանխատեսում

Լուրեր

17.11.2026 | 23:25
Հայաստանի մի շարք հասցեներում էլեկտրաէներգիայի անջատումներ կլինեն
17.11.2026 | 23:10
25-ամյա հետախուզվողը հայտնաբերվել և ձերբակալվել է մայրաքաղաքում
17.11.2026 | 22:53
Սևանա լճի մակարդակը մեկ շաբաթում նվազել է 1 սանտիմետրով
17.11.2026 | 22:39
Ադրբեջանում առաջարկում են է՛լ ավելի խստացնել ՀԿ-ների գործունեությանը վերաբերող օրենսդրությունը
17.11.2026 | 22:22
Կյանքից հեռացել է ՀՀ ժողովրդական արտիստ Հակոբ Ազիզյանը
17.11.2026 | 22:08
Դատարանը վարույթ ընդունեց հայցադիմումը․ ընտրություններից 12 օր առաջ ԸԸՀ-ն պահանջում է չեղարկել թեկնածուի գրանցումը
17.11.2026 | 21:56
ԱՄՆ-ն խստացնում է արհեստական բանականության առաջադեմ չիպերի արտահանման կանոնները՝ Nvidia-ի ղեկավարի շուրջ սկանդալից հետո
17.11.2026 | 21:40
Ադրբեջանն ու Վրաստանը համատեղ զորավարժությունների անցկացման հարցեր են քննարկել
17.11.2026 | 21:28
Տեղի են ունեցել ՀՀ-ԳԴՀ պաշտպանական խորհրդակցությունները
17.11.2026 | 21:15
Ընդդիմությունն ունի բոլոր շանսերը՝ թույլ չտալու սահմանադրական հանրաքվե, հուսանք՝ մանդատագողություն չի լինի․ Դավիթ Խաժակյան. ՏԵՍԱՆՅՈՒԹ
17.11.2026 | 21:08
Ինչ է քննարկվել «Հարավկովկասյան երկաթուղու» կոնցեսիոն կառավարման հարցով հանդիպմանը
17.11.2026 | 20:56
Աննա Հակոբյանն ընդվզման կոչ է անում․ ով է պատասխանատու խցանումների համար. ՏԵՍԱՆՅՈՒԹ
17.11.2026 | 20:44
Լրագրողական հետաքննությունը բացահայտել է Deutsche Bank-ի կապերը ռուսաստանցի օլիգարխների, Ջեֆրի Էփշթեյնի և Դոնալդ Թրամփի հետ
17.11.2026 | 20:30
Ունեմ վարկած՝ Արմեն Գրիգորյանը կատարում է Փաշինյանի հանձնարարությունը՝ պատրաստելու շրջադարձն արևմտամետ կուրսից․ Լևոն Զուրաբյան. ՏԵՍԱՆՅՈՒԹ
17.11.2026 | 20:19
20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է
Բոլորը

Նավթային թրեյդերները, որոնք ՕՊԵԿ+-ի գործարքի տապալման և նոր կորոնավիրուսի պատճառով շուկայի փլուզման մեջ են, հայտնել են, որ իրավիճակը կարող է վատթարանալ և նավթի գինը կարող է նվազել՝ հասնելով 20 և ավելի պակաս դոլարի: Նման կանխատեսում են արել գործակալության կողմից հարցված 20 մասնագետներից 18-ը, գրում է ՌԲԿ-ն՝ վկայակոչելով Bloomberg-ը:

Նրանց կարծիքով՝ WTI տեսակի նավթը կվաճառվի ևս 3-5 դոլարով էժան: Ընդ որում՝ նման ցածր գինը կարող է պահպանվել ինչպես մի քանի շաբաթ, այնպես էլ մինչև տարեվերջ:

Հնդկական Bharat Petroleum Corp. նավթագազային ընկերության տնօրեն Ռամամուֆրի Ռամաչանդրանի խոսքով՝ նավթը 20 դոլարի շեմը «դյուրությամբ կանցնի» արդեն ապրիլի կեսին, և սա այն դեպքում, երբ ընթացիկ տարում նավթն արդեն 60 տոկոսով էժանացել է՝ հասնելով 2003 թվականի նվազագույնին:

Միաժամանակ, մի շարք թրեյդերներ նշել են, որ նավթի գինն այնքան է ընկել, որ շուկայի խաղացողների մի մասը սկսել է վառելանյութ գնել՝ ապագա աճի հույսով պաշարելու համար: Այլ թրեյդերներ էլ կարծում են, որ նավթի գինը կնվազի այնքան, որ արտադրողները կդադարեն շահույթ ստանալ, ինչը նրանց կստիպի դադարեցնել արդյունահանումն ու մատակարարումները:

Խոշորագույն բանկերի վերլուծաբանները նույնպես կարծում են, որ առաջիկա ամիսներին նավթի գինը կշարունակի նվազել: Goldman Sachs-ի փորձագետները, մասնավորապես, հայտնել են, որ բանկը 2020 թվականի երկրորդ եռամսյակի համար Brent-ի գնի կանխատեսումը նվազեցրել է 10 դոլարով՝ դարձնելով մեկ բարելի դիմաց մինչև 20 դոլար:

Citigroup-ի բազային սցենարն էլ երկրորդ եռամսյակում Brent-ի բարելի դիմաց նախատեսում է միջինը 17 դոլար կամ ավելի ցածր:

Իրադարձությունների զարգացման՝ բանկի վատթարագույն տարբերակը ենթադրում է նավթի գնանկում՝ մեկ բարելի դիմաց մինչև 5 դոլար, մի շարք տարածաշրջաններում՝ նույնիսկ բացասական իրական գներ՝ պահուստարանների պակասի և լոգիստիկայի հետ կապված խնդիրների պատճառով:

Նավթի գինը սկսել է նվազել ՕՊԵԿ+-ի գործարքի տապալումից հետո և նոր կորոնավիրուսի համաճարակի ֆոնին: Մարտի 18-ին Brent տեսակի նավթի գինը նվազել է՝ դառնալով մեկ բարելի դիմաց 25 դոլարից ցածր, իսկ WTI-ի գինը, 2002 թվականի փետրվարից ի վեր առաջին անգամ, ընկել է 21 դոլարից ցածր: Մարտի 19-ին Brent տեսակի նավթի գինն աճել է ավելի քան 17 տոկոսով, WTI-ի գինը՝ 35 տոկոսով: