21.06.2026 | 22:09
ԱԱ-2026. Իսպանիան հաղթեց խոշոր հաշվով. ՏԵՍԱՆՅՈՒԹ
Պետք է ամեն ինչ անել, որպեսզի համապետական ընտրություններն անցնեն նախատեսված ժամկետում. Բակո Սահակյան
Քաղաքականություն
19.03.2020 | 22:47
Մարտի 31-ին հանրապետությունում կայանալու են համապետական ընտրություններ, ու պետք է ամեն ինչ անել, որպեսզի ընտրություններն անցնեն նախատեսված ժամկետում, և ամենակարևորը՝ ապահովվի բնակչության առողջությունը՝ Արցախի ժողովրդին զերծ պահելով բոլոր ռիսկերին:
Այս մասին այսօր կայացած կառավարության հերթական նիստի ժամանակ ասել է ԱՀ Նախագահ Բակո Սահակյանը: Նրա խոսքով՝ հաշվի առնելով Արցախի յուրահատկությունները՝ անհրաժեշտ է անել հնարավորը՝ նոր կորոնավիրուսային հիվանդության տարածման կանխարգելման և կորոնավիրուսի համաճարակից բնակչության պաշտպանության ուղղությամբ:
«Յուրահատկություններից մեկն էլ այն է, որ մենք գտնվում ենք նախընտրական փուլում: Հաշվի առնելով այս ամենը՝ ընտրապայքարի մասնակիցները, հավանաբար, նույնպես համապատասխան շտկումներ կկատարեն իրենց աշխատանքային ծրագրերում: Անհրաժեշտ է համընդհանուր ուժերով համախմբելով պետական բոլոր կառույցների և հասարակական հատվածի ներուժը՝ պահի լրջության բարձր գիտակցումով կատարել հնարավորինս համակարգված աշխատանք այս ուղղությամբ: Անհրաժեշտ է նաև թույլ չտալ խուճապային տրամադրությունների տարածումը, որը ոչ պակաս վտանգ է ներկայացնում, քան բուն վիրուսը: Մեր բնակչությունը պետական մարմինների միջոցով պետք է մշտապես իրազեկված լինի նոր կորոնավիրուսի հետ կապված բոլոր առանձին երևույթների մասին և այդ տեղեկատվությունը պետք է միշտ հասանելի լինի քաղաքացիների համար: Այսօր կառավարության նիստում որոշվող ընդունման մեջ հստակ նախանշված են այն խնդիրները, որոնք պետք է լուծեն համապատասխան պետական մարմինները: Դա նոր կորոնավիրուսային հիվանդության տարածման կանխարգելման և կորոնավիրուսի համաճարակի սպառնալիքից բնակչության պաշտպանության հետ կապված հարցի լուծմանն ուղղված բոլոր անհրաժեշտ միջոցառումների իրականացումն է»,- նշել է Հանրապետության նախագահը:
