10.08.2026 | 18:11
Պռոշյան բնակավայրում բռնկված հրդեհը մարվել է
Վարչապետի՝ դեղատներ ու խանութներ գնալը ռիսկային է առողջության տեսանկյունից. Անի Սամսոնյան
19.03.2020 | 19:04
Ազգային ժողովի հատուկ նիստում ընդդիմադիր պատգամավորները խանութներում աժիոտաժի, քաղաքացիների կողմից մեծ չափով գնումներ կատարելու վերաբերյալ մտահոգություններ հայտնեցին վարչապետ Նիկոլ Փաշինյանին։ Մարտի 17-ին վարչապետն անձամբ այցելեց մի քանի դեղատներ ու խանութներ՝ ծանոթանալու, թե ի՞նչ իրավիճակ է, արդյո՞ք դիմակների, ալկոգելի, սննdի պակաս կա և արդյո՞ք քաղաքացիները սովորականից շատ են գնումներ կատարում։
Factor.am-ի հետ զրույցում անդրադառնալով այս փաստին՝ ԱԺ «Լուսավոր Հայաստան» խմբակցության պատգամավոր Անի Սամսոնյանն ասաց՝ չի կարծում, որ նման շրջայցերը վարչապետի պարտականությունն են:
«Բնականաբար, ՀՀ վարչապետը կարող է և պետք է իրականացնի վերահսկողություն, բայց չեմ կարծում, որ այդ կարգի այցերը կամ ստուգումները անձամբ իր անելիքն են: Դրա համար կան կատարող պատասխանատուներ, որոնք, ըստ հանձնարարության, պետք է աշխատեն: Բացի այդ՝ դա շատ ռիսկային է առողջության և անվտանգության տեսանկյունից»,- հավելեց պատգամավորը:
Մերի Մարտիրոսյան
