Քաղաքականություն
18.03.2020 | 16:51Հայաստանի և Ռուսաստանի միջև օդային հաղորդակցության սահմանափակում չկա, սակայն կա ՌԴ կառավարության որոշումը՝ իր երկրի տարածք օտարերկրացիների մուտքի սահմանափակման վերաբերյալ: Այսօր հրավիրված ասուլիսում այս մասին ասաց ՀՀ ԱԳՆ խոսնակ Աննա Նաղդալյանը՝ պատասխանելով ՀՀ քաղաքացիների՝ Ռուսաստան մեկնելու հնարավորության մասին հարցին:
«Եվ կա Հայաստանի կառավարության որոշումը, որի համաձայն՝ ՌԴ-ում գտնվող մեր քաղաքացիները, նրանց ընտանիքների անդամները և անձինք, ովքեր չունեն քաղաքացիություն, բայց ունեն Հայաստանում բնակվելու իրավունք, կարող են վերադառնալ Հայաստան: Ինչ վերաբերում է ցամաքային սահմանին, բեռնատարների վրա այդ սահմանափակումները որևէ կերպ չեն անդրադառնում»,- հավելեց նա:
ԱԳՆ հյուպատոսական վարչության պետ Արտակ Ավետիսյանն էլ, անդրադառնալով Թուրքիայում գտնվող մեր քաղաքացիների խնդրին, նշեց, որ հյուպատոսական վարչության թեժ գծին զանգել են ստացվում, նրանց հետ մշտական կապ է պահպանվում:
Մանրամասները՝ տեսանյութում:
