28.03.2026 | 19:57
Սպասվում են տեղումներ. լեռնային գոտիներում՝ թաց ձյան, նախալեռնային և հովտային գոտիներում՝ անձրևի տեսքով
Կառավարությունից վստահեցրել էին՝ փետրվարին քննարկում կլինի, ժամկետները խախտվել են. Մխիթար Հայրապետյան. ՏԵՍԱՆՅՈՒԹ
Քաղաքականություն
18.03.2020 | 16:41
ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովում քննարկվում է «Հեռուստատեսության և ռադիոյի մասին» ՀՀ օրենքում փոփոխություն և լրացումներ կատարելու մասին օրինագիծը։
«Իմ քայլը» խմբակցության պատգամավոր Մխիթար Հայրապետյանը նշեց, որ իր համար անընդունելի է ցանկացած հեռուստաընկերությամբ գովազդի տեսքով աղբ տարածելը՝ ընդգծելով, որ հեռուստաեթերը պետք է վիրուսազերծեն. «Մենք վարակազերծելու ենք եթերը, ոչ մի ալիքով չպետք է վատ, անթույլատրելի, անընդունելի գովազդ լինի, ոչ մի տարբերություն ինձ համար չկա «Արմենիա», «Կենտրոն», «Հ1», «ԱՏՎ» հեռուստաընեկույունների միջև։ Եթերը մնում է եթեր, հեռուստաընկերությունները, որոնք օգտվում են հանրային մուլտիպլեքսից, պիտի ենթարկվեն խաղի կանոններին, և այդ կանոնները բոլորի համար պետք է լինեն հավասար, սրա համար մենք առաջիկա 1-1.5 ամիսներին համապատասխան իրավակարգավորումները բերելու ենք»։
Անդրադառնալով օրինագիծը 24-ժամյա ընթացակարգով ընդունելու հարցին՝ Հայրապետյանը նշեց, որ օրինագիծը պետք է դրվի լայն քննարկման։
«Ինձ վստահեցրել էին Կառավարությունից, որ փետրվարին այս քննարկումը պետք է ունենանք, ինձ համար անընդունելի է, որ այս ժամկետները խախտվել են»,- նշեց պատգամավորը։
Մանրամասները՝ տեսանյութում:
