12.06.2026 | 01:05
ԱԱ-2026․ Երեք կարմիր քարտ ու տանտերերի հաղթանակ՝ բացման խաղում․ ՏԵՍԱՆՅՈՒԹ
Բիզնեսին պետք է փշի-փշի անենք․ սա շատ կոշտ առաջարկ է․ Բաբկեն Թունյան. ՏԵՍԱՆՅՈՒԹ
Տնտեսություն
18.03.2020 | 14:50
ԱԺ տնտեսական հարցերի մշտական հանձնաժողովում քննարկվում է «Իմ քայլը» խմբակցության պատգամավորներ Մերի Գալստյանի, Վարազդատ Կարապետյանի, Լենա Նազարյանի կողմից ներկայացրած «ՀՀ ընդերքի մասին օրենսգրքում լրացումներ և փոփոխություններ կատարելու մասին», «ՀՀ վարչական դատավարության օրենսգրքում լրացում և փոփոխություն կատարելու մասին» օրենքի նախագծերի փաթեթը։ Նախագծով առաջարկվում է մետաղական հանքարդյունաբերության մորատորիում սահմանել։
Հանձնաժողովի նախագահ Բաբկեն Թունյանը նշեց, որ չնայած առաջարկվող նախագծի օգուտներին՝ պետք է ընդհանուր հաշվարկել, թե ինչ վնաս ենք կրելու։ Պատգամավորի կարծիքով՝ նախագիծը խտրական մոտեցում է առաջարկում:
«Ո՞վ ասաց, որ մետաղական հանքն ավելի վտանգավոր է, քան ցեմենտը, ինչո՞ւ ենք միայն մետաղական հանքարդյունաբերության վրա սահմանում»,- նշեց նա։
Պատգամավորը նաև ընդգծեց, որ սա շատ կոշտ միջոցառում է ու սրանով վատ մեսիջ է փոխանցվում բիզնեսին. «Մենք պիտի հասկանանք, հատկապես այս փուլում, դրան գնալու իրավունք ունե՞նք, թե՞ չունենք։ Հիմա մենք ամեն գնով բիզնեսներին փշի-փշի անելով՝ պետք է համոզենք, բերենք, մի հատ էլ բացասական մեսիջ ենք տալիս, ասում ենք՝ հանկարծ չմտածեք Հայաստան գալու մասին»։
Մանրամասները՝ տեսանյութում:
