02.11.2024 | 20:53
Բացվեց «Լույսեր» բնակելի համալիրը՝ կանաչապատ բակերով և նորարար լուծումներով. ՏԵՍԱՆՅՈՒԹ
ՀՀ-ում էթիլային սպիրտի և օղիների գինը, նախորդ տարվա փետրվարի համեմատ, աճել է 13%-ով
Տնտեսություն
17.03.2020 | 16:54
Հայաստանում էթիլային սպիրտի և օղիների գինը փետրվարին, նախորդ տարվա նույն ժամանակահատվածի համեմատ, աճել է 13 %-ով։ Այս մասին տեղեկանում ենք Պետական վիճակագրական ծառայությունից։
Նշենք, որ 2019-ի փետրվարին էլ, 2018-ի նույն ամսվա համեմատ, աճը կազմել է 1.8 %, այսինքն՝ այս տարի կտրուկ ավելացել է աճի տեմպը։
2019-ի հունվարին, նախորդ տարվա նույն ամսվա համեմատ, սպիրտի գինն աճել է 4%-ով։ Այսինքն՝ այս տարվա փետրվարին, հունվարի համեմատ, աճը կազմել է 9 %։ Նախորդ տարվա հունվար-փետրվարին սպիրտի գնի տարբերությունը եղել է 0.2 %:
Վիճակագրական ծառայությունից Factor.am-ի հետ զրույցում նշեցին, որ սրա մեջ բժշկական սպիրտը չի մտնում: «Սրա մեջ մտնում են օղիները, լիկյորները գինիները»,- նշեց վիճակագրական ծառայության աշխատակիցը:
Հարցին՝ դիտարկվե՞լ են բժշկական սպիրտի, դիմակների և մանրէազերծող նյութերի (ալկոգել) գնային փոփոխությունները, աշխատակիցը պատասխանեց, որ դրանք չեն ուսումնասիրվել։
Հիշեցնենք, որ ՀՀ վարչապետ Նիկոլ Փաշինյանն այսօր ֆեյսբուքյան ուղիղ եթերի միջոցով տեղեկացրեց, որ սպիրտի գնի աճը պայմանավորված է հարկային օրենսդրության փոփոխության հետ:
«Փոխվել է սպիրտի նվազագույն գինը, և թանկացումը բացառապես դրա հետ է կապված: Սպիրտի գինը կորոնավիրուսից առաջ ու հետո չի փոխվել»,- նշել է վարչապետը:
Անժելա Պողոսյան
