10.08.2026 | 12:52
Նիժնեկամսկի վրա ԱԹՍ-ների հարձակման հետևանքով զոհերի թիվը հասել է 13-ի
Ունենք արտահանման կաթվածահար վիճակ․ Մանե Թանդիլյան. ՏԵՍԱՆՅՈՒԹ
Տնտեսություն
16.03.2020 | 22:02
Ես ուզում եմ լսել Կառավարության կողմի տնտեսական հակաճգնաժամային գործունեության որևէ միջոցառում, որևէ նախաձեռնություն: Գոնե ինձ համար ակնհայտ է, որ մենք դրամական միջամտության կարիք ենք ունենալու, որ ներարկենք դեպի տնտեսություն: Այս մասին ԱԺ նիստում հայտարարեց «Լուսավոր Հայաստան» խմբակցության պատգամավոր Մանե Թանդիլյանը:
Նա վարչապետին ասաց, որ համոզիչ չի հնչում նրա այն հայտարարությունը, թե չենք ունենալու որևէ մթերքի պակաս, որովհետև չի հրապարակվել տնտեսական պլան, թե ինչո՞ւ են այդպես կարծոմ:
«Այսօր արդեն ունենք արտահանման կաթվածահարային վիճակ, և ես ուզում եմ, որ ինձ ասեք՝ ինչպե՞ս է Կառավարությունը պատրաստվում հակաճգնաժամային գործողություններ ձեռնարկել, դրանք ի՞նչ գործողություններ են, ինչքա՞ն միջոցներ են դրա համար տրամադրվելու: Ե՞րբ եք պատրաստվում հրապարակել նման գործողությունների պլան»,- հետաքրքրվեց պատգամավորը:
Վարչապետը նշեց, որ այդ պլանի առաջին հատվածն իրականում արդեն հրապարակել է. «Ես ասացի՝ քանի դեռ չի եկել այն պահը, որ մենք մարդկանց ասենք՝ ոչ թե 20 հոգուց ավելի մի հավաքվեք, այլ ընդհակառակը, ինչքան հնարավոր է՝ մեծ հարսանիքներ արեք, որևէ պլան չի աշխատելու: Ենթադրենք՝ մենք այսօր 2 մլդ դոլար բերում ենք և ասում՝ սա ուզում ենք ներդնել տնտեսության մեջ, բայց համաճարակային վիճակն այնպիսին է, որ մարդկանց ասում ենք՝ տանից դուրս մի եկեք, դա ոչ մի էֆեկտ չի ունենալու: Հետևաբար՝ մեր պլանի առաջին մասը հետևյալն է. հնարավորինս արագ համաճարակային վիճակը փոխել այնպես, որ մարդկանց ասենք՝ ժողովուրդ ջան, դուրս եկեք տներից, գնացեք ռեստորաններ, բացեք ձեր բիզնեսները»,- նշեց նա:
Մանրամասները՝ տեսանյութում:
