26.04.2026 | 21:21
Իրավիճակը Մալիում․ մահացել է պաշտպանության նախարարը, երկրում թեժ մարտեր են
Երեկ երբ ինձ ուղարկեցին կադրեր, թե ոնց եմ շփվել վարակված մարդու հետ, ես ջերմություն ունեցա․ Նիկոլ Փաշինյան. ՏԵՍԱՆՅՈՒԹ
Տեսանյութեր
16.03.2020 | 19:29
ՀՀ վարչապետ Նիկոլ Փաշինյանն ԱԺ-ում արտակարգ դրություն հայտարարելու մասին որոշումը քննարկելու ժամանակ անդրադարձավ «Լուսավոր Հայաստան» խմբակցության ղեկավար Էդմոն Մարուքյանի՝ մարզերում կորոնավիրուսի ախտորոշման թեստեր չլինելու վերաբերյալ հարցին։
«Այստեղ կարևոր է ոչ թե թեստը ֆիզիկապես ունենալը, այլև թեստի՝ պրոֆեսիոնալ ձևով հերմետիկությունը ապահովելը, տեղափոխելը։ Թեստն առանց լաբորատորիայի, որը կարող է պրոֆեսիոնալ դա ախտորոշել, ոչ մի բան է։ Այո՛, կարող ենք տանել, գյուղերում բաժանել, բայց հետո դա որտե՞ղ է ախտորոշվելու։ ՀՀ-ում 3 լաբորատորիա ունենք, որտեղ կարող ենք վստահ ասել, որ այդտեղ կախտորոշվի»,- ասաց նա։
Վարչապետը հավելեց, որ բոլորը չեն, որ պետք է անցնեն այդ թեստը։
«Ես կարող եմ իմ օրինակը բերել։ Երեկ, երբ ինձ ուղարկեցին կադրեր, թե ես ոնց եմ շփվել մարդու հետ, ում մոտ հետագայում հայտնաբերվել է կորոնավիրուս, ես ջերմությունս չափեցի և տեսա, որ ջերմություն ունեմ, բայց թեստով եղավ բացասական»,- նշեց վարչապետը։
Մանրամասները՝ տեսանյութում։
