28.03.2026 | 19:57
Սպասվում են տեղումներ. լեռնային գոտիներում՝ թաց ձյան, նախալեռնային և հովտային գոտիներում՝ անձրևի տեսքով
Եթե այլ երկրի քաղաքացին ուզում է գալ ՀՀ, թող 14 օրվա մեկուսացումը ֆինանսավորի. Էրիկ Գրիգորյան. ՏԵՍԱՆՅՈՒԹ
Քաղաքականություն
16.03.2020 | 17:39
Արդյո՞ք արտակարգ դրության ժամանակ պետք է սահմանափակվի օտարերկրյա քաղաքացիների մուտքը Հայաստան և, սահմանափակվելու դեպքում, պե՞տք է լինի մեկուսացման պայման բոլորի համար։ Այս հարցն այսօր քննարկվեց Կառավարության արտահերթ նիստում, որը հրավիրվել է Հայաստանում արտակարգ դրություն հայտարարելու հարցը քննարկելու համար։
«Ինչո՞ւ եկող քաղաքացիների համար մեկուսացման կարգավորում չենք տալիս 14 օրով, թեստն էլ անի, եթե վիրուսակիր չի, մենք խնդիր չունենք»,- վարչապետին դիմեց շրջակա միջավայրի նախարար Էրիկ Գրիգորյանը։
Վարչապետն արձագանքեց. «Շատ լավ եք ասում: Հիմա, ասենք, գալիս է 10 հազար մարդ, ասում է՝ մեկուսացրեք, որտե՞ղ պետք է մեկուսացվի»։
Նիկոլ Փաշինյանը նշեց, որ փետրվարի 20-ից մինչ այժմ Իրանից 2092 ՀՀ քաղաքացի է ժամանել, 761-ը՝ Իտալիայից և 553 քաղաքացի՝ Ավստրիայից։
«Եթե Ձեր ասած կանոնով գնայինք, մենք այս պահի դրությամբ առնվազն 3.500 քաղաքացի պետք է ունենայինք մեկուսացված, ընդ որում՝ գործնականում իրականության մեջ հիվանդ են եղել 5-6 հոգին։ Այսինքն, մենք այս 5-6 հոգուն բացահայտելու համար 3.500 հոգու մեկուսացնում ենք։ Հասկանում ե՞ք՝ սա ինչ լուրջ խնդիր է։ Կգան, կասեն՝ մեկուսացրեք, կարող է մի հատ էլ տեսնեն՝ Հայաստանում 5 աստղանի հյուրանոցում են մեկուսացնում, տասնյակ հազարներով ասեն՝ կգանք»,- նշեց վարչապետը։
Նախարարն արձագանքեց. «Պարտադիր չի պետությունը ֆինանսավորի, այդ այլ երկրի քաղաքացին, եթե ուզում է գալ Հայաստան, այդ 14 օրվա մեկուսացումը ինքն իր համար թող ֆինանսավորի»։
Մանրամասները՝ տեսանյութում:
