Կորոնավիրուսը ռեկորդային անկում է առաջացրել Չինաստանի տնտեսությունում

Արդյունաբերական արտադրանքի ծավալը Չինաստանի տնտեսության կազմում հունվար-փետրվար ամիսներին տարեկան կտրվածքով նվազել է 13․5 տոկոսով։ Մանրածախ ապրանքաշրջանառությունը կրճատվել է 20․5 տոկոսով։ Տվյալները հրապարակել է այդ երկրի վիճակագրական ծառայությունը։

Անկում է գրանցել նաև ուղիղ ներդրումների ծավալում՝ 24․5 տոկոսով։ Կորոնավիրուսի տարածումով Չինաստանի տնտեսությունը անցած հունվարի գրեթե կանգ էր առել։ Հայտարարված խստագույն միջոցառումների պայմաններում ձեռնարկությունները ստիպված էին դադարեցնել աշխատանքը։ Այն բանից հետո, երբ Չինաստանի իշխանությունները հայտարարեցին, որ կորոնավիրուսի տարածմանը պիկը հաղթահարված է, տնտեսագետներն ակնկալում են, որ արտադրությունը դանդաղորեն կվերականգնի տեմպը և տնտեսական ցուցանիշները կբարելավվեն։

Միաժամանակ, փորձագետները նկատում են, որ Չինաստանի որոշ շրջաններում արտադրության նակին ծավալներին վերադարձը պակաս ակտիվ է ընթանում սպասվածից։

Ըստ պաշտոնական տվյալների, Կորոնավիրուսով վարակման նոր դեպքերը համեմատաբար նվազել են ու այժմ գտնվում են ցածր մակարդակի վրա։ Միևնույն ժամանակ, նոր ռիսկ է առաջացել, դա արտերկրից վարակված քաղաքացիների վերադարձն է Չինաստան։

Ըստ Առողջապահության նախարարության, վերջին օրերին ամբողջ երկրում գրանցվել է կորոնավիրուսով վարակված 14 անձի մահ և վարակվելու նոր 16 դեպք։ Հետաքրքիր է, որ այս 16 վարակակրից 12-ը այն մարդիկ են, որոնք արտերկրից վերադարձել են Չինաստան։