05.05.2024 | 21:52
7 ոսկի և 2 արծաթ. Հայաստանի հավաքականը ավարտեց ելույթները ուշուի ԵԱ-ում
Տարոն Մարգարյանը շփոթվեց «Երկիր Ծիրանիի» անդամի հարցին պատասխանելիս
31.10.2017 | 18:18
Երևանի ավագանու այսօրվա նիստը, թեև, նախորդների նման թեժ չէր և ՀՀԿ-ի և «Երկիր Ծիրանի» խմբակցության միջև հարցուպատասխանն էլ նախորդների նման չէր անցնում փոխադարձ վիրավորանքների ուղեկցությամբ, այնուամենայնիվ՝ այն զերծ չէր սուր դրվագներից և փոխադարձ կսմիթներից: Դրանցից մեկն էլ վերաբերում էր մոտակա ձմռան պատրաստությանը:
ՀՀ «Երկիր Ծիրանի»-ի ավագանու անդամ Սոնա Աղեկյանը հարց հղեց Տարոն Մարգարյանին՝ հեգնելով՝ արդյոք քաղաքապետարանն այս տարի «հայտնի Սուրենյանի հետ պատրաստվել է ձմռանը, թե՞ էլի հանկարծակիի են գալու»: Ի պատասխան՝ Տարոն Մարգարյանն ասաց. «Սուրենյանցի» հետ կապ չունեն:
Նկատենք, որ ԱԻՆ հիդրոմետ ծառայության պետի ազգանունը ոչ թե Սուրենյանց է, այլ Սուրենյան:
