30.08.2026 | 23:44
Վաղարշապատում կինը դանակահարել է 43-ամյա տղամարդուն․ նա մահացել է. ՆԳՆ
«Ռոսիա մոլը», «Երևան տոնավաճառը» , «Ռոսիա» և «Տաշիր» առևտրի կենտրոնները մարտի 16-ից մինչև 23-ը չեն գործի
Տնտեսություն
15.03.2020 | 16:31
«Ռոսիա մոլը», «Երևան տոնավաճառն» ու «Ռոսիա» առևտրի կենտրոնը մեկ շաբաթ չեն աշխատի: Այս մասին հայտարարություն է տարածել «Սիլ» գրուպը՝ նշելով.
«Սիրելի հայրենակիցներ, հաշվի առնելով կորոնավիրուսի տարածման կանխարգելման միջոցառումները, մարդկանց կուտակումներից և շփումներից խուսափելու համար հայտարարում ենք, որ սույն թվականի մարտի 16-ից մինչև մարտի 23-ը չեն գործի «Ռոսիա մոլը», «Երևան տոնավաճառը» և «Ռոսիա» առևտրի կենտրոնը:
Այս կերպ աջակցում ենք նաև ՀՀ կառավարության կանխարգելիչ ծրագրին: Հորդորում ենք ՀՀ քաղաքացիներին այս օրերին լինել ավելի հավասարակշիռ և մարդկային շփումները հասցնել մինիմալի»:
Նմանտապիպ հայտարարություն է տարածել, նաև «Տաշիր» առևտրի կենտրոնը.
«Հարգելի՛ տնտեսվարողներ և այցելուներ, ցանկանում ենք տեղեկացնել, որ սույն թվականի մարտի 16-23-ը Տաշիր առևտրի կենտրոնը չի գործի։
Այս որոշումը բխում է հանրային շահերից, քանի որ մեզ համար առաջնայինը մեր ժողովրդի առողջությունն ու անվտանգությունն է:
Վստահ ենք, որ համընդհանուր պայքարի շնորհիվ կկարողանանք հաղթահարել #կորոնավիրուսի հետագա սրընթաց տարածումը։
Բոլորիդ մաղթում ենք առողջություն:»
Հիշեցնենք, որ նույն օրերին չեն գործի նաև Երևան մոլ ու Դալմա Գարդեն մոլ առևտրային ընկերությունները:
