22.06.2026 | 15:59
Ադրբեջանը Թուրքմենստանին նավթային լցանավ է նվիրել
Արմավիրի մարզի հարսանյաց սրահների տնօրենները, հրաժարվում են հետաձգել նախապես ծրագրված հարսանեկան արարողությունները. Արման Բաբաջանյան
Հասարակություն
14.03.2020 | 17:39
ՀՀ ԱԺ անլկախ պատգամավոր Արման Բաբաջանյանը ֆեյսբուքի իր էջում արված գրառմամբ տեղեկացրել է, որ Արմավիրի մարզի հարսանյաց սրահների տնօրենները, հրաժարվում են հետաձգել նախապես ծրագրված հարսանեկան արարողությունները: Պատգամավորը կարծում է, որ հարցը պետք է լուծել պետության միջամտությամբ:
«Քիչ առաջ ինձ տեղեկացրին, որ Արմավիրի մարզի հարսանյաց սրահների տնօրենները, որտեղ ամիսներ առաջ ծրագրված են եղել նշանդրեքի և հարսանեկան արարողություններ, հրաժարվում են վարակի պատճառով անսալ կազմակերպիչների խնդրանքին և հետաձգել նախապես ծրագրված հարսանեկան կամ նշանդրեքի արարողությունները՝ վկայաբերելով հարսանյաց սրահի և կազմակերպիչների միջև կնքված/ստորագրված պայմանագիրը։
Կարծում եմ այս հարցը պետք է լուծել պետության միջամտությամբ, որպեսզի բոլոր միջոցառումների չեղարկում/հետաձգումները կատարվեն օրենքի ուժով։
Մեր քաղաքացիները փաստորեն սոցիալական ավելի մեծ պատասխանատվություն են զգում, քան մանր ու միջին ձեռնակատերերը։
Այսօր, առավել, քան երբևէ պետք է մեծացնենք մեր անձնական, անհատական պատասխանատվության աստիճանը՝ դա համարելով ազգային անվտնագության կարևորագույն բաղադրիչ։ Այսօր մեր ազգային անվտանգությունը, հանրային առողջությունը կախված է առանձին վերցրած ամեն մի քաղաքացուց և բոլոր, յուրաքանչյուրս պետք է ապրենք ու գործենք այս անխախտ գիտկացմամբ։
Հ․Գ․ Բոլոր այսպիսի դեպքերի համար, մինչև պետության կողմից համապատասխան քայլերի ձեռնարկումը, խնդրում եմ կապվել ինձ անձնական նամակով»,- գրել է նա:
