26.09.2026 | 20:38
Քաղաքացին ընկել է ջրհորը. նա հոսպիտալացվել է
Եվրոպան քննադատում է Թրամփի որոշումը
Քաղաքականություն
14.03.2020 | 11:06
ԵՄ քննադատել է նախագահ Թրամփի՝ Եվրոպայից թռիչքները ժամանակավորապես արգելելու մասին որոշումը. գրում է Ամերիկայի ձայնը:
Եվրոպան քննադատում է ԱՄՆ նախագահ Թրամփի որոշումը Եվրոպայից ԱՄՆ թռիչքները ժամանակավորապես դադարեցնելու մասին: Այս որոշումը խուճապ է առաջացրել ֆինանսական շուկաներում, ինչպես նաև ԵՄ անդամ երկրների քաղաքացիների շրջանում: Վերջիններս քննադատում են ԵՄ-ի հետ առանց որևէ խորհդարկցություն անցկացնելու Թրամփի այս որոշումը:
Սահմանափակումը չի տարածվի Մեծ Բրիտանիայի և Իռլանդիայի վրա՝ չնայած վերջիններս ևս ունեն կորոնավիրուսի հարյուրավոր դեպքեր : Ամերիկյան կողմը այդ հանգամանքը բացատրում է նրանով, որ վերջիններս շենգանյան գոտու երկիր չեն:
Չնայած դրան վարչապետ Բորիս Ջոնսոնը զգուշացրել է բրիտանական հանրությանը, որ իրավիճակը է՛լ ավելի կվատթարանա:
Այս պահին ԱՄՆ-ում գրանցվել է 1300 կորոնավիրուսով հիվանդության դեպք: Հաշվի առնելով, որ ԱՀԿ-ն հիվանդությունը որակել է համաճարակ, փորձագետները կոչ են անում հավելյալ միջոցառումներ իրականացնել տարածումը կանխելու համար:
Եվրոպայում իրադրությունը մնում է լարված: Իտալիայում, որը կորոնավիրուսից ամենաշատը տուժած եվրոպական երկիրն է , փակվել են բոլոր ոչ առաջնային կարևորության խանութները: Եվրոպական մի շարք երկրներում վերականգնվում են ներքին սահմանները: Ուղևորափոխադրումների նկատմամբ սահմանափակումները է՛լ ավելի կբարդացնեն առանց այն էլ ծանր տնտեսական վիճակը: Կորոնավիրուսը մեծ ազդեցություն է թողնում տնտեսության վրա:
