09.08.2026 | 22:30
Արթուր Ղարիբյանը հաղթական դուբլ է գրանցել «Զենիթի» դեմ խաղում. ՏԵՍԱՆՅՈՒԹ
Արցախի կրթական հաստատությունների աշխատանքները դադարեցվել են մեկ շաբաթով
Հասարակություն
13.03.2020 | 20:58
ԱՀ կրթության, գիտության և սպորտի նախարար Նարինե Աղաբալյանը այսօր՝ մարտի 13-ին, Ստեփանակերտի հանրակրթական դպրոցների տնօրենների մասնակցությամբ անց է կացրել խորհրդակցություն՝ քննարկել դասապրոցեսի դադարեցման հարցը՝ կապված Նոր տիպի կորոնավիրուսի տարածման հետ:
Այս մասին «Արցախպրես»-ի թղթակցի հաղորդմամբ՝ Ն. Աղաբալյանն ասել է, որ ԿԳՍ նախարարության համակարգի պատասխանատուները պարբերաբար քննարկում են ոլորտի հետագա գործողությունները և նախանշում անելիքները:
«Եթե անհրաժեշտություն է առաջանում դադարեցնել պարապմունքները, ապա ուսուցիչները պետք է այդ ընթացքում աշակերտներին տնային առաջադրանքներ հանձնարարեն, իրականացվեն ճկուն աշխատանքներ և, ըստ անհրաժեշտության, կայացվեն որոշումներ՝ արտաքին ընթացիկ ստուգումների, միասնական քննությունների մասով: Խնդիրը մեկն է՝ պահպանել առողջությունը, թույլ չտալ Նոր կորոնավիրուսի ներթափանցումը և տարածումն Արցախում և, միաժամանակ, հասցնել յուրացնել ուսումնական ծրագրերը»,-մասնավորապես ասել է նախարարը:
