04.08.2026 | 13:54
Աշնանը տարածքներ են հանձնվելու. Իշխան Սաղաթելյան. ՏԵՍԱՆՅՈՒԹ
Ավստրալիայի ՆԳ նախարարը վարակվել է կորոնավիրուսով
Քաղաքականություն
13.03.2020 | 13:25
Ավստրալիայի ՆԳ նախարար Փիթեր Դաթոնը հայտնել է, որ իր մոտ նոր տիպի կորոնավիրուս է հայտնաբերվել: Բժիշկների պահանջով նա հոսպիտալացվել է:
«Այսօր առավոտյան ես արթնացա ջերմությամբ և կոկորդի ցավով: Անմիջապես կապվեցի Քվինսլենդի առողջապահության նախարարության հետ, իսկ հետո COVID-19 թեստ անցա: Առողջապահության նախարարությունն ավելի ուշ հայտնեց, որ թեստը դրական է»,- գրում է ՌԻԱ Նովոստին՝ վկայակոչելով Դաթոնի Twitter-ի գրառումը:
Ավստրալիայում ներկայում նոր տիպի կորոնավիրուսով վարակի 199 դեպք է արձանագրվել: Ի դեպ՝ Ավստրալիայում կորոնավիրուսի թեստ են հանձնել և դրական պատասխան ստացել նաև հոլիվուդյան դերասան Թոմ Հենքսն ու նրա կինը:
Հիշեցնենք, որ Առողջապահության համաշխարհային կազմակերպությունը մարտի 11-ին նոր կորոնավիրուսի բռնկումը համաճարակ հայտարարեց:
Ներկայում աշխարհի ավելի քան 110 երկրում 125 հազարից ավելի մարդ է վարակվել: Նրանց մեծ մասն առողջացել է, սակայն ավելի քան 4 հազար հիվանդ մահացել է:
