10.08.2026 | 12:11
ԱԺ-ում Արամ Վարդևանյանի ընտրության հարցով քվեարկություն է // Ջերմաստիճանը մինչև 5 աստիճանով կնվազի․ ԼՈՒՐԵՐ
ՃՈ-ն Երևանում ուժեղացված ծառայության ընթացքում հայտնաբերել է երթևեկության ավելի քան 40 խախտում
Հասարակություն
12.03.2020 | 23:02
Ճանապարհային ոստիկանության ճանապարհապարեկային ծառայության բաժնի և ուղեկցող հատուկ վաշտի ծառայողները մարտի 11-ին ուժեղացված ծառայություն են իրականացրել ՀՀ մայրաքաղաքում՝ հայտնաբերելով ճանապարհային երթևեկության տարբեր կանոնների 4 տասնյակից ավելի խախտում։
Ինչպես տեղեկացրին ՀՀ ոստիկանության հասարակայնության հետ կապերի և լրատվության վարչությունից, 6 մեքենա շահագործվել է առանց ԱՊՊԱ պայմանագրի, մեկը՝ առանց համարանիշերի, երկուսը՝ ժամկետանց համարանիշերով։ Երկու վարորդի նկատմամբ վարչական իրավախախտման վերաբերյալ արձանագրություն կազմվել՝ ճանապարհային երթևեկության կանոնները կոպիտ կերպով խախտելու համար։
Հինգ տրանսպորտային միջոց տեղափոխվել է պահպանվող հատուկ տարածք։
«Երթևեկության անվտանգությամբ մտահոգ ճանապարհային ոստիկանության ուժեղացված ծառայությունները պարբերական են»,- ասվում է հաղորդագրության մեջ։
