30.08.2026 | 23:44
Վաղարշապատում կինը դանակահարել է 43-ամյա տղամարդուն․ նա մահացել է. ՆԳՆ
Իրանցի զբոսաշրջիկների չժամանելու հետևանքով կորցրել ենք մոտ 8-9 միլիոն դոլար․ տնտեսագետ. ՏԵՍԱՆՅՈՒԹ
Տնտեսություն
12.03.2020 | 12:53
Կորոնավիրուսի տնտեսական հետևանքները Հայաստանի վրա արդեն իսկ նկատելի են, մասնագետները նախնական հաշվարկներ են անում։ Ըստ այդ հաշվարկների՝ միայն իրանցի զբոսաշրջիկների չժամանելու հետևանքով մեր զբոսաշրջության արժեքային շղթան կորցրել է մոտավոր 8-9 միլիոն դոլար։ Այս մասին տեղեկացրեց տնտեսագետ Հայկազ Ֆանյանը՝ ընդգծելով, որ խոսքը հյուրանոցային տնտեսությունների, ռեստորանների, տաքսիների, վարձով տրվող բնակարանների մասին է։
Հայաստանի տնտեսության վրա էական ազդեցություն կունենա նաև ռուբլու արժեզրկումը՝ վնաս կկրի հատկապես Հայաստանում մշակվող արդյունաբերությունը։
«Մեր մշակվող արդյունաբերությունը հիմնականում ուղղված է Ռուսաստան արտահանելու ուղղությամբ, հատկապես խոսքը գյուղմթերքի վերամշակման մասին է, և դա լուրջ խնդիրներ կարող է առաջացնել նաև մթերման կազմակերպման ուղղությամբ»,- նշեց տնտեսագետը։
Նա անհանգստացնող է համարում նաև տրանսֆերտների վրա հնարավոր ազդեցությունը։
«2019-ին մոտ 1.5 միլիարդ դոլարի ներհոսք ենք ունեցել ֆիզիկական անձանց մասով, էական մասը Ռուսաստանից է եղել, հիմնական մասը՝ ռուսական ռուբլով: Դա կազդի հայ սպառողների գնողունակության վրա, հատկապես առանձին մարզերում, որտեղ ռուսական ռուբլով ձևավորվող եկամուտը շատ մեծ տեսակարար կշիռ է կազմում, հատկապես՝ Գեղարքունիքի մարզը»,- նշեց Հայկազ Ֆանյանը։
Մանրամասները՝ տեսանյութում:
