17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Ովքե՞ր են Տեր-Պետրոսյանի օրոք նշանակված ՍԴ անդամները և ի՞նչ նկատի ուներ վարչապետը. ՏԵՍԱՆՅՈՒԹ
Քաղաքականություն
11.03.2020 | 22:22
Ապրիլի 5-ին կկայանա Սահմանադրական փոփոխությունների հանրաքվեն: Եթե ԱՅՈ-ի շտաբը հաղթի, Սահմանադրական դատարանի ինը դատավորներից յոթի լիազորությունները կդադարեն: Այս օրերին, երբ ԱՅՈ-ի քարոզարշավն ակտիվ փուլ է մտել, վարչապետ Նիկոլ Փաշինյանն ուշագրավ հայտարարություն արեց:
Նա նշեց, որ դատավորները Ռոբերտ Քոչարյանի, Սերժ Սարգսյանի և 1996 թվականին Լևոն Տեր-Պետրոսյանի օրոք կամակատարներ են եղել: Այս հայտարարությունը բուռն քննարկումների տեղիք տվեց: Իշխող ուժի ներկայացուցիչ, ԱԺ փոխնախագահ Ալեն Սիմոնյանը, սակայն, հորդորում է հարցը չանձնավորել:
ԲՀԿ-ական պատգամավոր Սերգեյ Բագրատյանն էլ շեշտում է՝ որևէ նշանակում չի կարող իր ազդեցությունը չունենալ: Սակայն խնդիրների մասին բաց խոսելը ողջունում է:
Նշենք, որ ՀՀ առաջին նախագահ Լևոն Տեր-Պետրոսյանի օրոք ՍԴ-ում երկու դատավոր է նշանակվել. Ալվինա Գյուլումյանը և Հրանտ Նազարյանը:
Գյուլումյանը նշանակվել է 1996-ին և պաշտոնավարել մինչև 2003-ը, երբ սեփական դիմումի համաձայն ազատվել է պաշտոնից՝ ՄԻԵԴ աշխատանքի տեղափոխվելու համար: Ապա ՍԴ անդամ է վերանշանակվել 2014-ին՝ Սերժ Սարգսյանի օրոք: Դատավոր Գյուլումյանը չի ընդունում վարչապետի մեղադրանքը, թե ինքն ու մյուս վեց դատավորները կամակատարներ են եղել:
Մանրամասները՝ տեսանյութում:
Մերի Մարտիրոսյան
