15.05.2026 | 12:04
Ադրբեջանական SOCAR-ը Վրաստանի նախկին փոխվարչապետին նշանակել է Italiana Petroli-ի ղեկավար
Ռուսական ընկերությունը Սևան-Հրազդան ՀԷԿ-երի կասկադը փոխանցեց «Տաշիր»-ին
Տնտեսություն
11.03.2020 | 21:06
Ռուսական «ՌուսՀիդրո» ընկերությունը Սևան-Հրազդան ՀԷԿ-երի կասկադը վաճառել է ռուսաստանցի միլիարդատեր Սամվել Կարապետյանի «Տաշիր» ընկերությունների խմբին պատկանող «Հրազդան էներգետիկ ընկերությանը»: Այս մասին տեղեկանում ենք «ՌուսՀիդրո»-ի պաշտոնական կայքից:
Անցյալ տարվա դեկտեմբերին կնքված վաճառքի պայմանագրում նշված պայմաններով՝ գնորդն ամբողջությամբ մարել է Սևան-Հրազդան ՀԷԿ-երի կասկադը կառավարող «Միջազգային էներգետիկ կորպորացիան»-ի վարկային պարտավորությունները Եվրոպական բանկին և Ասիական զարգացման բանկին, ինչից հետո ընկերության բաժնետոմսերի 90%-ը փոխանցվել է «Տաշիր»-ին:
Գործարքի արժեքը 172.96 մլն ռուբլի է: Աղբյուրի համաձայն՝ արդյունքում «ՌուսՀիդրո» ընկերության ֆինանսական պարտքը նվազել է 4 միլիարդ ռուբլիով:
Ավելի վաղ «ՌուսՀիդրո»-ի տնօրենների խորհուրդը հավանություն էր տվել գործարքին, իսկ ՀՀ Հանրային ծառայությունները կարգավորող հանձնաժողովը թույլատրել էր առքուվաճառքի գործարք կատարել:
