01.07.2026 | 22:57
ԱԺ պատգամավորի երդման տեքստը կփոփոխվի․ օրենքի նախագիծը դրական եզրակացություն է ստացել
Այս ընտրությունները նույնքան կարևոր են, որքան 2018-ի ապրիլ-մայիսի իրադարձությունները․ ԿԳՄՍ նախարար. ՏԵՍԱՆՅՈՒԹ
Քաղաքականություն
11.03.2020 | 13:38
Ապրիլի 5-ին կայանալիք հանրաքվեն նույնքան կարևոր է, որքան 2018-ի ապրիլ-մայիսի իրադարձությունները։ Այս մասին Սիսիանում «Այո»-ի քարոզարշավի ժամանակ հայտարարեց ԿԳՄՍ նախարար Արայիկ Հարությունյանը։
«Այս հանրաքվեն նույնքան կարևոր է, որքան 2018 թվականի խորհրդարանական ընտրությունները։ Ես վստահ եմ, որ այն ժամանակ էլ, հիմա էլ ձեզ որոշ շրջանակներ փորձելու են համոզել, որ ձեր մասնակցությունը կարևոր չէ։ 2018 ապրիլ-մայիսին ասում էին՝ դե 10 հոգով քայլում են Գյումրիից, 10 հոգով էլ կմնան, ոչ մի բան չի փոխվելու, մի մասնակցեք։ Բայց դուք ինքներդ տեսաք, որ յուրաքանչյուրիդ մասնակցությունն իրականություն դարձրեց այն, որ մենք միասին մերժեցինք նախորդ քաղաքական համակարգը և ձևավորեցիք նոր արդար քաղաքական համակարգ։ Այս տարվա ապրիլի 5-ին յուրաքանչյուրիդ մասնակցությունը կարևոր է դատական համակարգի փոփոխությունների համատեքստում»,- նշեց Արայիկ Հարությունյանը։
Մանրամասները՝ տեսանյութում։
