20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Կառավարության հակակոռուպցիոն ծրագրերը բավականին հավակնոտ են․ Սոնա Այվազյան. ՏԵՍԱՆՅՈՒԹ
Քաղաքականություն
11.03.2020 | 12:33
«Մենք վաղուցվանից ենք փորձել բովանդակային առումով ներդրում ունենալ ՀՀ-ԵՄ համագործակցության օրակարգային հարցերում, սակայն տեքստերը փակ էին և չէինք կարողանում ծանոթանալ, ավելի կոնստրուկտիվ լինել ու զգալի փոփոխությունների հանգեցնել։ Քաղհասարակության դերը խիստ կարևոր է բարեփոխումները պատշաճ իրականացնելու համար։ Կարևոր է, թե ինչ որակի է այդ արդյունքը»,- ասում է «Թրանսփարենսի ինթերնեշնլ» հակակոռուպցիոն կենտրոնի գործադիր տնօրեն Սոնա Այվազյանը։
Նա նկատում է, որ ՀՀ-ԵՄ Համաձայնագրի տեքստում հակակոռուպցիոն և կառավարման թափանցիկության տեսանկյունից ներառված են խիստ ընդհանրական տեքստեր, ինչը նա կապում է նախորդ իշխանության՝ կոռուպցիայի դեմ պայքարելու ցանկության բացակայությամբ:
«Բարեբախտաբար, մենք նոր իրականության մեջ ենք ապրում, և կառավարությունը հանդես է եկել երկու հիմնական փաստաթղթով՝ հակակոռուպցիոն բնույթի, դրանցում կան նաև անցումային արդարադատություն իրականացնելու մասին դրույթներ։ Ձևավորվել է Կոռուպցիայի կանխարգելման հանձնաժողով, կա հակակոռուպցիոն կոմիտեի, հակակոռուպցիոն դատարանների ստեղծման նպատակ և այլն։ Սրանք բավականին հավակնոտ ծրագրեր են»,- ասաց Սոնա Այվազյանը։
Նշենք, որ այսօր տրվեց «ՀՀ-ԵՄ միջև Համապարփակ և ընդլայնված գործընկերության համաձայնագրի իրականացման քաղաքացիական հասարակության համատեղ մշտադիտարկումն ու ջատագովությունը՝ հանուն Հայաստանում վստահելի և համակարգային բարեփոխումների» ծրագրի մեկնարկը։ Այն իրականացնում է «Բաց հասարակության հիմնադրամներ- Հայաստանը»՝ Վրաստանում և Հայաստանում Նիդեռլանդների Թագավորության դեսպանատան աջակցությամբ։
Մանրամասները՝ տեսանյութում:
Ռոբերտ Անանյան
